Gjermania lejon me kusht udhëtimin e partnerëve të pamartuar

09/08/2020 - 09:56

Për shkak të rregullave kufizuese të Coronës, çiftet e pamartuar nga vende të ndryshme, pjesërisht ka muaj që nuk shihen. Tani Gjermania liron rregullat kufizuese të udhëtimit për partnerët.

Siç ka bërë të ditur, Ministria e Punëve të Brendshme, partnerët në çift nga vendet jashtë BE-së, dhe të pamartuar nga e hëna mund të udhëtojnë sërish në Gjermani.

Kusht për këtë lehtësim në udhëtimin në Gjermani është sipas të dhënave të ministrisë një partneritet afatgjatë. Ky do duhet të provohet përmes një banese të përbashkët të mëparshme jashtë apo përmes takimeve personale të mëparshme në Gjermani, që duhet të vërtetohen.

Krahas dokumenteve të udhëtimit, që duhet të provojnë takimet e mëparshme, duhet paraqitur një ftesë e partnerit që jeton në Gjermani dhe një deklaratë e përbashkët e nënshkuar për ekzistencën e marrëdhënies në çift.

Ministri i Punëve të Brendshme të Gjermanisë, Horst Seehofer deklaroi se e “përshëndet faktin, që në kuadër europian po e mundësojmë këtë.” Ai kujtoi, se kufizimet e udhëtimit për shkak të pandemisë së Coronës janë koordinuar në plan europian. Komisionerja e BE për çështjet e brendshme, Ylva Johannson i kishte informuar kolegët e BE për rregulloren e re.

Seehofer ndodhej nën presion, sepse çiftet me kombësi të ndryshme kishin javë që kërkonin një zgjidhje. Komisioni Europian kërkoi në fund të korrikut përjashtime për të huajt si çifte të pamartuara që të lejohen të hyjnë në BE. Seehofer këmbëngulte, se donte një zgjidhje europiane dhe jo kombëtare, gjë që shkaktoi reagime nga partneri i koalicionit, SPD./DW

/portali DurresLajm/

Na bëni like në facebook!: 

Lajme nga e njëjta kategori

Gjashtë javë pasi u bë vendi i parë i Evropës Perëndimore që regjistroi 500,000 raste me koronavirus, Spanja është bërë e para që regjist

Një vullnetar i testimit të vaksinës së COVID-19 të zhvilluar nga AstraZeneca dhe Universiteti i Oksfordit ka vdekur.

Policia në Paraguai ka kapur një sasi të madhe droge, duke shënuar një rekord prej 2.3 tonë kokainë të fshehur mes një ngarkese me qymyr

Italia shënoi këtë të mërkurë ditën më “të zezë” për sa i përket infektimeve me Covid.

E gjithë bota është mbërthyer nga koronavirusi, i cili po merr çdo ditë jetë njerëzish.

Berivan Aslan u mor në mbrojtje nga policia, që kur një person pranoi, se kishte porosi nga shërbimi sekret turk ta vriste politikanen e

Qeveria e Republikës Çeke miratoi një sërë masash që e izolojnë vendin, i cili po përballet me shifra rekorde të rasteve me koronavirus.

Rajoni i Jorkshajërit të Jugut do të përfshihet të shtunën në zonat me kufizimet më të rrepta në fuqi në Angli kundër koronavirusit të ri

Të paktën 11 gra janë vrarë dhe shumë janë plagosur në një grumbullim masiv në një stadium në Afganistan ndërkohë që po aplikonin për viz

Një fluturim i British Airways për në Verona bëri ulje emergjente në London Heathrow, pasi pasagjerët u ankuan se ndjenin erë djegie dhe