Guvernatori i Kalifornisë urdhëron banorët të qëndrojnë në shtëpi

20/03/2020 - 18:46

Guvernatori i Kalifornisë Gavin Newsom urdhëroi të enjten 40 milionë banorët e shtetit perëndimor, më i populluari në Shtetet e Bashkuara, të qëndrojnë në shtëpi, si pjesë e luftës kundër sëmundjes. Zoti Newsom e lëshoi urdhrin pasi 19 veta kanë vdekur dhe 958 kanë rezultuar pozitivë ndaj virusit në Kaliforni.

Guvernatori Newsom tha të enjten në mbrëmje se kufizimet në nivel shteti për çdo lëvizje jo të domosdoshme, janë të nevojshme për të vënë nën kontroll përhapjen e koronavirusit që kërcënon të mbingarkojë sistemin shëndetësor të shtetit. Ai foli për banorët e Kalifornisë.

"Ata do të ngrihen në lartësinë e duhur, ashtu siç kanë bërë javët e fundit, për të mbrojtur veten e tyre, familjet e tyre dhe më gjerë komunitetet e tyre në shtetin tone të mrekullueshëm, si edhe botën ku jetojmë”, tha guvernatori Newsom.

Më herët ai kishte bërë parashikimin shqetësues se 56% e popullsisë së Kalifornisë mund të preken nga virusi gjatë tetë javëve të ardhshme.

Vendimi për urdhëruar qëndrimin brenda, pasoi një tjetër urdhër për Los Anxhelesin, sipas të cilit mbylleshin të gjitha qendrat tregëtare, dyqanet jo të domosdoshme dhe sheshet e lojrave.

“Njerëzit vazhdojnë të plotësojnë shërbimet jetike, vazhdojnë të shkojnë të blejnë ushqime, të ecin me qentë e tyre. Megjithatë ata mbajnë distancën kur janë në rrugë. Ata janë në gjendje të marrin ilaçet. Urdhri e parashikon kryerjen e funksioneve të domosdoshme”, tha ai.

Guvernatori Newsom i kërkoi Kongresit të enjten 1 miliardë dollarë në fonde federale për të mbuluar kostot e pritshme, shkaktuar nga sëmundja.

Të mërkurën, zoti Newsom i kishte shkruar presidentit Donald Trump për t’i kërkuar që një anije spitalore e marinës të dislokohet në një port të Los Anxhelesit për pacientët nga Kalifornia, numri i të cilëve pritet të rritet.

Në Shtetet e Bashkuara, numri i rasteve me koronavirus ka arritur në 14,250 dhe 205 vetë kanë vdekur prej tij. /VOA

/portali DurresLajm/

Na bëni like në facebook!: 

Lajme nga e njëjta kategori

Gjermania do të hyjë në borxhe të reja në vitin 2021. Parashikimet flasin për 96,2 miliardë euro.

Presidenti i Turqisë, Rexhep Taip Erdogan, duket që i ka ulur tonet e larta dhe ka ndryshuar strategji përsa i takon mosmarrëveshjeve me

Çfarë mendon një nga ekspertët më të njohur gjermanë për Coronën, për teoritë e çuditshme konspirative dhe tezat e teoricienëve konspirat

Një tërmet 5.1 i shkallës Rihter goditi provincën qendrore të Turqisë, Nigde, njoftoi të dielën agjencia e katastrofave të vendit.

Të varrosur 2.500 vite më parë dhe që nga ajo nuk qenë hapur kurrë.

Presidenti i SHBA, Donald Trump gjatë një tubimi në Karolinën Veriore ka cekur mes arritjeve të tij, dhe marrëveshjen Kosovë- Serbi.

Pamje plot gjallëri vijnë së fundmi nga klubet e natës së qytetit kinez Vuhan, i cili si ish-epiqendër e pandemisë raporton zero raste të

John Turner, ish-kryeministër, ish-ministër i Drejtësisë dhe ish-ministër i Financave në Kanada ka ndërruar jetë në moshën 91-vjeçare.

Tetë futbollistë të rinj ganezë kanë humbur jetën pas një aksidenti të ndodhur të shtunën.

Një zarf që i ishte drejtuar Shtëpisë së Bardhë, përmbante një substancë të identifikuar si ricinë, një lëndë helmuese vdekjeprurëse, njo