Hipën 3 fëmijët në avionin që nuk zbriti kurrë

10/06/2019 - 22:14

Historia e këtyre dy prindërve nga Australia është tepër e dhimbshme. Ata humbën të tre fëmijët e vegjël në aksidentin tragjik të Malaysian Airlines në vitin 2014-të. 5 vjet nga kjo ngjarje tragjike, ata kanë folur për herë të parë për ferrin e jetuar që prej asaj dite.

Oris 8, Evie 10 dhe Mo Maslin, 12-vjeç, po ktheheshin në shtëpinë e tyre në Perth, me fluturimin MH17 sëbashku me gjyshin e tyre 68-vjeçar, Nick Norris.

Anthony Maslin dhe Marite Norris ndodheshin në Holandë për pushime sëbashku me fëmijët, por ata vendosën që t’i nisnin përpara të vegjlit pasi duhet të fillonin shkollën, ndërkohë çifti do të mbyllte disa punë që kishte.

Disa orë pasi fëmijët e tyre kishin hipur në avion, më 17 Korrik të 2014-s, ata dëgjuan lajmin se avioni ishte goditur në ajër, ndërkohë që fluturonte në lindje të Ukrainës.

283 pasagjerët sëbashku me 15 anëtarë të ekuipazhit që ndodheshin në bord mbetën të vrarë, përfshirë 3 fëmijët e çiftit dhe babai i Malin, Norris.

Kur kanë kaluar 5 vjet nga kjo tragjedi, prindërit e fëmijëve rrëfyen se kishin menduar të vetëvriteshin pasi kishin marrë vesh lajmin e kobshëm.

Në një intervistë që pritet të transmetohet këtë javë në televizionin australian, çifti tha se mëngjesin pas aksidentit, e kishin gjetur veten jashtë dritareve të apartamentit të tyre në Amsterdam. Ata kishin planifikuar të hidheshin sëbashku, megjithatë në fund vendosën që të mos e bënin, sepse nuk donin t’i shkaktonin asnjë personi tjetër dhimbjen që po ndjenin vetë.

Maslin dhe Norris thanë se e ardhja në jetë i vajzës së tyre Violet, në 2016-n, i ndihmoi që t’u lehtësohej disi dhimbja. Megjithatë ata vijojnë të vuajnë nga stresi post-traumatik.

/portali DurresLajm/

Na bëni like në facebook!: 

Lajme nga e njëjta kategori

Fondacioni i miliarderit Bill Gates premtoi se do të përqendrohet me të gjitha burimet e tij në luftimin e koronavirusit, sipas Financial

Qipro do të mbulojë shpenzimet për cilindo turist që rezulton pozitiv me koronavirus gjatë pushimeve në vend.

Numri i rasteve të reja dhe vdekjeve nga Covid-19 vazhon të rritet, por me ritme më të ngadalta.

Qeveria federale e Gjermanisë po monitoron situatën e pandemisë nga afër, por përgjegjësia praktike qëndron gjithnjë e më shumë në 16 sht

Rikthehet ankthi në Itali pas disa ditësh shifrash në ulje nga pandemia e koronavirusit.

Një fond gjigant ndihme prej 750 miliardë Eurosh është propozuar nga Komisioni Europian për të ndihmuar Bashkimin Europian që të kalojë ‘

Presidenti Trump kërcënoi të mërkurën se do të marrë masa për rregullimin ose mbylljen e kompanive të caktuara të mediave sociale.

Marrëdhënia që Presidenti amerikan ka me gazetarët nuk shumë e mirë, por jo deri aty sa t’i gëzohet daljes së një grupi gazetarësh pa pun

Kryeministri britanik, Boris Johnson, i cili fitoi betejën me Covid-19 ka shfaqur probleme me shikimin.