Izraeli do të mbajë zgjedhje për herë të tretë brenda një viti

12/12/2019 - 10:52

Parlamenti izraelit vendosi që vendi të mbajë zgjedhje të reja më 2 Mars të vitit që po vjen, të tretat me radhë në më pak se një vit, pasi Kryeministri Benjamin Netanyahu dhe rivali i tij kryesor, nuk arritën marrëveshje për një koalicion qeverisës.

Me 94 vota pro dhe asnjë kundër, ligjvënësit miratuan një mocion për shpërndarjen e Parlamentit dhe caktimin e datës së re të zgjedhjeve. Vendimi u mor disa orë pasi skadoi afati për krijimin e qeverisë pas zgjedhjeve të muajit Shtator.

Në ato votime, sikurse edhe të muajit Orill, partia konservatore Likud e Netanyahu ishte ‘kokë më kokë’ me partinë e ish-gjeneralit Benny Gantz. Asnjëri nuk arriti të sigurojë mbështetje të mjaftueshme në Parlamentin me 120 vende për të ngritur një koalicion të qëndrueshëm qeverisës.

Zgjedhjet e reja do të mbahen nën hijen e akuzave për korrupsion që u ngritën muajin e kaluar kundër Kryeministrit Netanyahu.

Duke mohuar akuzat, Netanyahu ka akuzuar autoritetet ligjore për përpjekje për një “grusht shteti” që synonte rrëzimin e një udhëheqësi popullor. Kritikët pohojnë se Netanyahu po përpiqet të pengojë shtetin e së drejtës dhe të vendosë në qendër të fushatës portretizimin e vetvetes si viktimë të një komploti shtetëror.

Si kryeministër, Netanyahu nuk ka asnjë detyrim ligjor të japë dorëheqjen për shkak të aktakuzës, dhe ndërsa është në detyrë, ai mund t’u kërkojë ligjvënësve t’i japin atij imunitet nga ndjekja penale.

Netanyahu do të mbajë postin deri në formimin e qeverisë së re pas zgjedhjeve të reja, një proces që mund të zgjasë me muaj pas votimeve të Marsit. /VOA

/portali DurresLajm/

Na bëni like në facebook!: 

Lajme nga e njëjta kategori

Teherani pritet t’i dërgojë në Ukrainë kuti e zeza të aeroplanit të pasagjerëve që u godit aksidentalisht nga ushtria iraniane këtë muaj.

Mbrëmjen e së premtes, një grup prej 30 protestuesish, tentuan që të hyjnë brenda teatrit në Paris, aty ku Presidenti Emmanuel Macron dhe

Një ngjarje e rëndë ka ndodhur në Meksikë ku dy aktorë humbën jetën, pasi ranë nga ura teksa po xhironin një pjesë filmi.

Muzeu i Luvrit në Paris u mbyll të premten, pasi dhjetëra protestues bllokuan hyrjen e tij.

Një valë frikësuese vrasjesh sekrete ka mbërritur në Europë, shkruan historiani dhe eksperti i shërbimeve sekrete, Christopher Nehring.

Ushtria amerikane tha se 11 pjesëtarë të saj janë plagosur nga sulmet e Iranit në një bazë të saj në Irak, edhe pse presidenti i Shteteve

Kryeministri i Ukrainës, Oleksiy Honcharuk, dorëzoi dorëheqjen, për shkak të një audio-incizimi, ku ai dyshohet se nënçmon njohuritë dhe

Një vit më parë, këshilli i emëruar nga qeveria gjermane rekomandoi që vendi të ndalojë djegien e qymyrit për të prodhuar energji elektri

Isabel dos Santos, gruaja më e pasur në kontinentin e Afrikës po mendon që të kandidojë në 2020-ën për Presidente të Angolës.

21 persona u vranë e 82 të tjerë u plagosën nga bombat e avionëve të Asadit, të hedhura mbi një treg të qytezës Ariha, në rajonin e Idlib