Katër të akuzuar për vrasjen e gazetarit sllovak që çoi në dorëheqjen e kryeministrit

22/10/2019 - 09:58

Të hënën autoritetet sllovake ngritën akuza ndaj një biznesmeni të njohur si dhe tre personave të tjerë të dyshuar për vrasjen vitin e kaluar të një gazetari dhe të fejuarës së tij, ngjarje që çoi në dorëheqjen e kryeministrit Robert Fico.

Vrasja vazhdon të turbullojë politikën në vend. Sipërmarrësi me lidhje politike Marian Kocner dhe dy bashkëpunëtorë të dyshuar të tij, u deklaruan të pafajshëm. Një i dyshuar i katërt pranoi se ka qëlluar ndaj gazetarit Jan Kuciak dhe të fejuarës së tij Martina Kusnirova.

Ndërkohë një person i pestë ka pranuar se ka ndihmuar për të kryer vrasjen. Ai ka bërë një marrëveshje me prokurorët duke pranuar fajin dhe po shërben si dëshmitar në procesin ndaj katër të tjerëve mbi të cilët rëndojnë akuzat për vrasje.

Një zëdhënëse e zyrës së prokurorit të shtetit tha në një deklaratë se të katër të dyshuarit mund të përballen me burgim të përjetshëm për gjashtë akuza, përfshirë vrasjen me paramendim. Njoftimi nënkupton përfundimin e fazës hetimore të çështjes, e cila është parë si një provë për policinë sllovake dhe pavarësinë e gjyqësorit.

Vrasja e Jan Kuciak-ut nxiti demonstrata masive kundër korrupsionit vitin e kaluar dhe detyroi kryeministrin Fico të japë dorëheqjen, pas rreth 12 vitesh në këtë pozicion.

Zbulimi i lidhjeve mes biznesmenit Kocner dhe zyrtarëve të sigurisë të cilat u ekspozuan gjatë hetimit çuan në dorëheqje të tjera gjatë javëve të fundit.

27-vjeçari Jan Kuciak dhe fejuara e tij Martina Kusnirova u qëlluan në shtëpinë e tyre që ndodhej në periferi të kryeqytetit, Bratislavë në shkurt të vitit 2018. Prokurorët thanë se biznesmeni Kocner, subjekt i një materiali investigativ lidhur me një çështje korrupsioni që po përgatiste gazetari Kuciak, kishte porositur vrasjen gjë që biznesmeni e ka mohuar. /VOA

/portali DurresLajm/

Na bëni like në facebook!: 

Lajme nga e njëjta kategori

Numri i viktimave nga koronavirusi ka shkuar në 23 në Turqi në 24 orët e fundit, duke e çuar numrin e përgjithshëm në 131.

Një video e transmetuar nga mediat italiane që mban datën 16 nëntor të vitit 2015 ka bërë bujë në mediat sociale, por indiferente nuk kan

Edhe në Holandë është rritur numri i të prekurve dhe të vdekurve me COVID-19.

Të falsifikuara dhe pa efekt: Medikamente kundër Covid-19 ofrohen në rrjet.

Kryeministri britanik Boris Johnson ka dërguar një letër në shtëpinë e çdo qytetari të Mbretërisë së Bashkuar.

Në 24 orët e fundit në Spanjë janë shënuar 838 persona që kanë humbur jetën për shkak të koronavirusit.

Zëvendësministri italian i Shëndetësisë, Pierpaolo Sileri, ka thënë se beson që Italia i është afruar pikut të shpërthimit të koronavirus

BBC shkruan se në SHBA është regjistruar vdekja e parë e një foshnjeje që ishte pozitiv me koronavirus.

Bashkëshortja e kryeministrit kanadez, Justin Trudeau njoftoi se është shëruar nga COVID-19, e cila shkaktohet nga koronavirusi.