Presidentja e Komisionit Europian Ursula von der Leyen ka reaguar lidhur me përshkallëzimin e konfliktit të armatosur mes Izraelit dhe Palestinës
Përmes një postimi në rrjetet sociale, Von der Leyen u bën thirrje të dyja palëve që të ndalin dhunën dhe të nisin bisedimet për paqe.
Izraeli ka shtuar sulmet drejt Gazës, ndërsa militantët palestinezët vijojnë që të hedhin raketa në drejtim të Izraelit. Ushtria e Izraelit ka bërë të ditur se forcat nga ajri dhe toka janë bërë gati, por nuk janë futur ende në Gaza.
Të paktën 122 palestinezë, mes tyre edhe 31 fëmijë janë vrarë nga sulmet dhe më shumë se 900 të tjerë janë plagosur që prej nisjes së përplasjeve të hënën.
Me qindra familje palestineze janë strehuar në shkollat që drejtohen nga OKB në veri të Gaza-s për t’i shpëtuar artilerisë së zjarrit nga Izraeli.
