Koronavirusi vazhdon që të vrasë njerëz në mbarë globin, duke shtuar numrin e viktimave. Deri në këto momente, ka shkaktuar 33 993 viktima në të gjithë botën.
Gjithsej numërohen në rruzullin tokësor 723 319 persona të infektuar me virus. Ndërsa, janë shëruar deri më tashmë 151 804 veta.
Shtetet e Bashkuara të Amerikës kanë numrin më të lartë të të prekurve në botë me koronavirus me 142 224 persona, pasuar nga Italia (97 689), Kina (81 470), Spanja (80 110), Gjermania (62 435), Franca (40 174).
Numrin më të lartë të vdekjeve e ka Italia me 10 779 viktima, pasuar nga Spanja me 6803, Kina (3304), Franca, Irani e SHBA.
