Kritiku i Putin u ndalua sapo mbërriti në Moskë, SHBA dhe BE iu bëjnë thirrje autoriteteve: Lirojeni menjëherë!

18/01/2021 - 09:13

Shtetet e Bashkuara të Amerikës dhe disa shtete europiane kanë reaguar për ndalimin e politikanit rus Alexei Navalny, i cili mbërriti ditën e djeshme në aeroportin e Moskës.

Lideri i opozitës ruse, Navalny, 44 vjeç udhëtoi nga Gjermania ku qëndroi për 5 muaj pasi u helmua nga një agjent nervor, për të cilin akuzoi autoritetet ruse. Por Presidenti Vladimir Putin ka mohuar se ka shkaktuar helmimin e Navalny.

SHBA dhe BE kanë reaguar për ndalimin e Navalny Putin duke bërë thirrje që të lirohet. Sekretari i Shtetit i SHBA, Mike Pompeo, tha se autoritetet ruse po përpiqeshin të heshtnin kritikët e tyre. Ai bëri thirrje për “lirimin e menjëhershëm” të Alexey Navalny, i cili është një kritik i Putin.

“Udhëheqësit politikë që kanë siguri nuk kanë frikë nga zërat kritikë, as nuk ushtrojnë dhunë apo ndalojnë padrejtësisht kundërshtarët politikë,” shkroi Pompeo në Twitter. Ndërsa qeveria britanike ka bërë një deklaratë duke thënë se ishin shumë të shqetësuar për ndalimin e tij duke thënë:

“Në vend që të përndjekin viktimën e këtij krimi të tmerrshëm, autoritetet ruse duhet të hetojnë se si një armë kimike u përdor në tokën ruse.”

Navalny u nis herët në mëngjes më 17 janar nga Gjermania drejt Rusisë dhe para nisjes u pyet nga gazetarët rreth mundësisë së arrestimit. “Unë, të arrestohem? Unë jam i pafajshëm”, tha Navalny para gazetarët para se të hipte në avionin e Pobedas, që është në pronësi të kompanisë shtetërore, Aeroflot.

Më 13 janar, Navalny njoftoi se do të kthehej në Rusi, pavarësisht paralajmërimeve nga Shërbimi Korrektues Federal se do ta arrestojnë atë.

/portali DurresLajm/

Na bëni like në facebook!: 

Lajme nga e njëjta kategori

Një masë akulli prej 1.270 kilometrash katrorë u shkëput nga shelfi i akullit Brunt në perëndim të Antarktidës.

Një polic në Virxhinia ka humbur jetën pasi është qëlluar me armë gjatë detyrës.

Arkeologët në Itali kanë zbuluar një karrocë ceremoniale pranë qytetit antik romak të Pompeit.

Me rreth 20 000 vdekje nga koronavirusi që nga fillimi i pandemisë, Republika Çeke shtrëngoi sërish kufizimet, ndërkohë që sistemi shënde

Themeluesit e prodhuesit të vaksinave, BioNTech do të nderohen me urdhrin më të lartë të meritës për angazhimin e tyre kundër pandemisë s

Një video që po qarkullon në rrjet prej pak ditësh ka tërhequr jo pak vëmendje dhe ka shqetësuar vendin e tij.

Brazili po përballet me “një tragjedi” të shkaktuar nga “një valë e re” e pandemisë Covid-19, sipas Organizatës Botërore të Shëndetësisë.

Në bazë të treguesve të  analizës së të dhënave të fundit nga Komiteti tekniko-shkencor, ministri i Shëndetësisë Roberto Speranza sapo ka

Konservatorët amerikanë vlerësuan Donald Trump-in në një mbledhje vjetore të premten, duke zbuluar madje një statujë të artë të ish-presi