Kryeministri çek i kërkon falje popullit për situatën me Covid-19

22/10/2020 - 18:29

Republika Çeke është duke u përballur me valën e dytë të pandemisë Covid-19, teksa numrat e të infektuarve kanë arritur në shifra rekord. Situata kritike ka detyruar kryeministrin, Andrej Babis t’i kërkojë falje popullit të tij në një konferencë shtypi, plot 5 herë.

Babis pranoi se qeveria e tij kishte bërë gabime në mënyrën si e ka trajtuar shpërthimin e pandemisë, teksa iu lut njerëzve që të ndiqnin rregullat e rrepta të bllokimit.

“Më vjen keq për kufizimet e reja që do të ndikojnë në jetën e pronarëve të bizneseve, punonjësve dhe qytetarëve. Më vjen keq që de facto e përjashtova mundësinë që kjo të ndodhte, nuk mund ta imagjinoja që kjo do të ndodhte”, tha Babis ndër të tjera.

Masat e reja në Çeki, të cilat hynë në fuqi sot në mëngjes, përfshijnë kufizime në lëvizjen e lirë të njerëzve dhe mbylljen e shërbimeve dhe dyqaneve që nuk kanë funksion thelbësor. Po ashtu u miratua edhe vendosja e detyrueshme e maskës mbrojtëse kudo brenda zonave urbane dhe në makina.

Për një kohë të gjatë, kryeministri Babis refuzoi të vendoste rregulla më të rrepta anti-Covid mbi popullin, duke dhënë si arsye nevojën për të mbrojtur ekonominë. Por kjo vonesë, sipas mendimit të mendimit të ekspertëve, ka çuar në një përhapje të gjerë të virusit.

Shteti me 10 milionë qytetarë është duke regjistruar tani më shumë raste të reja Covid-19 për 100,000 njerëz, sesa çdo vend i madh në botë. Në fakt Republika Çeke u vlerësua gjatë valës së parë të pandemisë për mënyrën si u përball me të, kur qeveria vendosi një bllokim të hershëm dhe bëri maskat të detyrueshme, në një kohë kur pjesa më e madhe e vendeve të Evropës perëndimore po shënonin shifra në rritje.

Këto masa strikte u hoqën gjatë verës, pasi qeveria besoi se pandemia ishte nën kontroll. Kryeministri madje tha se edhe rihapja në fund të majit ka qenë e nxituar.

/portali DurresLajm/

Na bëni like në facebook!: 

Lajme nga e njëjta kategori

Presidenti brazilian Jair Bolsonaro ka deklaruar të enjten në mbrëmje se ai nuk do të vaksinohet kundër koronavirusit, duke shprehur skep

Rreth 60 apo 70 për qind e popullatës duhet të jetë e imunizuar ndaj koronavirusit të ri, në mënyrë që të ulen infektimet, thotë Organiza

Në 24 orët e fundit Italia ka regjistruar 28 352 raste të reja koronavirus.

Shkencëtari i armëve bërthamor i Iranit, Mohsen Fakhrizadeh është vrarë pranë kryeqytetit Teheran.

Presidenti i zgjedhur i Shteteve të Bashkuara të Amerikës, Joe Biden i ka shkruar një letër shoqatës kosovare “Miqtë e Amerikës”, me rast

Opozita dhe mediat turke së fundmi kanë akuzuar qeverinë për fshehjen e shifrave të Covid-19.

Një tërmet më magnitudë 4.9 të shkallës rihter ka goditur sot Turqinë, duke rikthyer frikën në vend.

Presidenti i SHBA Donald Trump tha të enjten se do të largohet nga Shtëpia e Bardhë, nëse Kolegji Zgjedhor voton për Presidentin e zgjedh

Bisedimet e Brexit për tregtinë mes Britanisë së Madhe dhe BE-së do të rinisin këtë fundjavë në Londër. BBC, duke iu referuar burimeve di

Të premten në Gjermani autoritetet shëndetësore njoftuan se numri i përgjithshëm i të infektuarve me koronavirus, që nga fillimi i pandem