Portali "DurrësLajm" kërkon të punësojë një gazetar/e për web, të interesuarit të dërgojnë CV-në në adresën e email: [email protected]

Kryhet transplanti i parë i indit të mushkërive nga donatorë të gjallë te një e mbijetuar e Covid

09/04/2021 - 20:42

Për herë të parë një pacientit të infektuar me llojin e ri të koronavirusit (Covid-19) iu bë transplanti i indit të mushkërive nga donatorët e gjallë.

Një grua japoneze, mushkëritë e së cilës u dëmtuan rëndë pasi u infektua me COVID-19, iu nënshtrua një operacioni që mjekët thonë se është transplantimi i parë i mushkërive të marra nga donatorë (dhurues) të gjallë.

Spitali Universitar i Kyotos tha se gruaja iu nënshtrua një operacioni që zgjati 11 orë dhe u krye nga një ekip mjekësor prej 30 personash të mërkurën, ku u transplantuan indet e mushkërive nga burri dhe djali i saj.

Disa njerëz i janë nënshtruar transplantit të mushkërive si mënyrë për të përmirësuar shëndetin pas infektimit me Covid, por mjekët japonezë thonë se ky ishte transplanti i parë ku indet e mushkërive u morën nga donatorë të gjallë.

Dr. Hiroshi Date, një kirurg torakal që drejtoi operacionin, tha se ky transplant i jep shpresë pacientëve që vuajnë nga dëmtimi i rëndë i mushkërive për shkak të COVID-19.

“Ne vërtetuam se tani kemi një mundësi të transplantimit të mushkërive (nga dhuruesit e gjallë),” tha ai në një konferencë shtypi.

Pacientja u infektua me Covid-19 në fund të vitit të kaluar dhe kaloi muaj duke jetuar në gjendje kritike dhe me një pajisje që funksiononte si mushkëri artificiale, sipas Spitalit Universitar të Kiotos. Covid-19 i shkaktoi aq shumë dëmtime në mushkëri, saqë ato ishin më funksionale dhe asaj iu desh një transplant për të jetuar.

Bashkëshorti dhe djali u ofruan që të dhurojnë pjesë të mushkërive të tyre. Transplantet nga donatorët, truri i të cilëve konsiderohet “i vdekur” nga mjekët janë të rralla në Japoni, ndërsa donatorët e gjallë konsiderohen si një opsion më i mirë, sipas deklaratës së spitalit. Burri dhe djali janë në gjendje të qëndrueshme, ndërsa gruaja në kujdes intensiv. Pritet që të largohet nga spitali pas dy muajsh.

Muajin e kaluar, kirurgët amerikanë kryen një transplant të mushkërive të konsideruar si “Covid to Covid”, duke përdorur mushkëritë nga një donator i cili u shërua nga Covid-19, por vdiq nga një shkak tjetër, për një pacient në të 60-at, mushkëritë e të cilit u dëmtuan nga sëmundja.

/portali DurresLajm/

Na bëni like në facebook!: 

Lajme nga e njëjta kategori

Italia ka shënuar 5,753 raste pozitive të koronavirusit në 24 orët e fundit, ndërsa një ditë më parë u shënuan 6.659 raste.

“Pyes veten: ku do të na çojë urrejtja dhe hakmarrja?

Ministria e Brendshme e Turqisë shfuqizoi masën e izolimit të plotë që ishte vendosur për të parandaluar përhapjen e koronavirusit të ri.

Bashkimi Europian ka njoftuar se do të zhvillojë një video-konferencë të jashtëzakonshme online me ministrat e Jashtëm të BE-së të martën

Një përshkallëzim i luftimeve midis izraelitëve dhe palestinezëve ka bërë që Kombet e Bashkuara të paralajmërojnë për një “luftë më të zg

Insitutit Kombëtar Italian të Shëndetit ka treguar se pesë javë pas fillimit të fushatës së vaksinimit me Covid infeksioni është ulur me

Një automjet në Maryland, SHBA ka shpërthyer në flakë pasi shoferi vendosi të pastronte duart me dezinfektues teksa po pinte cigare.

Komisioneri i OKB-së për të Drejtat e Njeriut ka paralajmëruar si Forcën e Mbrojtjes Izraelite ashtu edhe grupet e armatosura palestineze

Një udhëheqës i arratisur i mafias italiane është ekstraduar nga Spanja në Itali.

Organizata Botërore e Shëndetësisë (OBSH) u ka kërkuar shteteve të pasura të dhurojnë vaksina për vendet e varfra dhe të rishikojnë plane