Reshjet masive të dëborës paralizuan sot pjesën lindore të Kanadasë, duke detyruar mbylljen e dhjetëra institucioneve arsimore dhe anulimin e qindra fluturimeve ajrore, nga Toronto drejt bregut të Atlantikut që kalon nga Montreali.
Flokët e dendur të dëborës kanë vijuar pa ndërprerje që prej së martës pasdite. Mbi 30 centimetër dëborë e freskët mbuloi rrugët e Montrealit paraditen e sotme, sipas shërbimeve të qytetit dhe meteorologjisë kombëtare.
Deri të mërkurën në mbrëmje, trashësia e dëborës pritet të arrijë mes vlerës 35 dhe 40 centimetër në metropolin e Kebekut, duke shënuar për momentin stuhinë më të fortë të këtij dimri.
