Marshim në Londër kundër “Brexit”-it dhe pro BE-së

20/10/2018 - 22:03

Britanikët, që janë të frikësuar nga një jetë jashtë Europës, do të mblidhen nga të gjithë cepat e vendit në Londër, në përpjekje për të ndaluar divorcin e pritshëm të vendit të tyre me BE-në.

Marshimi para Parlamentit është konceptuar si një çështje e zhurmshme dhe festive, që do të bashkojë dhjetëra mijëra vetë, me shpresën – ndonëse të vakët, – se do të bindin kryeministren Theresa May të mbajë një referendum të dytë për “Brexit”-in.

Organizatorët e të ashtuquajturit “marshim i votës së popullit” i kanë kërkuar madje pjesëmarrësve të nxjerrin në manifestim edhe kafshët e tyre.

Sidoqoftë, mesazhi është serioz: Brexit, që premtuan mbështetësit e tij para referendumit të qershorit 2016, nuk ngjason aspak me atë që po negociohet sot. Aktivistët thonë se do të kishin votuar kundër, nëse do ta kishin ditur koston e vërtetë.

“Është koha që shumica e heshtur, apo ajo jo shumë e heshtur, t’i shpalosë ato që ndien për ‘Brexit’-in. Ne duhet të thërrasim me një zë: Jo në emrin tim”, tha një protestues.

Një peticion “online” pro BE-së kërkon një votë të detyrueshme për çdo marrëveshje para marsit dhe është firmosur nga rreth një milion vetë.

Kryeministrja britanike e ka bërë të qartë se nuk do të lejojë një votim të dytë. Sidoqoftë, alternativat me të cilat përballet Britania, për momentin variojnë nga një divorc i pastër pa asnjë marrëveshje, e deri te një ndarje me pak ndryshime, përveç faktit që Londra do të humbasë zërin e saj në BE.

E asnjëra nga këto alternativa nuk është e shumëdëshiruar.

/portali DurresLajm/

Na bëni like në facebook!: 

Lajme nga e njëjta kategori

Parlamenti francez miratoi sot, në votimin e fundit të Asamblesë, dy propozimet shumë të përfolura kundër manipulimit të informacionit në

Policia italiane konfiskoi tetë vila të ndërtuara në mënyrë të paligjshme nga anëtarët e mafias në zonën e Romës.

Katër persona humbën jetën në një sulm me armë në një spital në Çikago të Shteteve të Bashkuara.

Ish-kryetari i bashkisë së New York-ut Michael Bloomberg njoftoi se po i dhuron 1.8 miliard dollarë Universitetit Johns Hopkins, për të r

Gjermania do të ndalojë shitjen e armëve drejt Arabisë Saudite në shenjë proteste ndaj vrasjes së gazetarit Jamal Khashoggi, përfshirë fu

Marrëveshja e negociuar me Londrën në lidhje me Brexit mori sot miratimin e 27 vendeve anëtare.

Shefi ekzekutiv i prodhuesit të makinave Nissan, Carlos Ghosn, ka përfunduar në pranga nën akuzën e mashtrimeve financiare.

Lordi meksikan i drogës, Hector Beltrán Leyva ka vdekur pas një sulmi në zemër në burg.

Në Guatemalë është aktivizuar vullkani Fuego, i emërtuar ndryshe si “Vullkani i Zjarrit”.

Një avion luftarak i Luftës së Dytë Botërore u rrëzua në parkingun e një kompleksi apartamentesh në Teksas, duke i marrë jetën dy persona