Muaji i Ramazanit, Obama uron besimtarët në mbarë botën

09/07/2013 - 15:30

SHBA, 9 korrik 2013 - Presidenti amerikan Barack Obama dhe bashkëshortja e tij Michelle uruan besimtarët myslimanë në mbarë botën, për fillimin e muajit të Ramazanit. 

“Me rastin e fillimit të muajit të shenjtë te Ramazanit, Michelle dhe unë u dërgojmë urimet më të mira komuniteteve myslimane këtu në Shtetet e Bashkuara dhe në mbarë botën. Për 1.5 miliardë myslimanët e botës, Ramazani është koha për reflektim të thellë, agjërim dhe përkushtim. Ramazani është gjithashtu mundësia për bashkimin e familjes dhe miqve dhe festimin e parimeve që lidhin njerëzit përmes besimeve të ndryshme – përkushtimin për paqe, drejtësi, barazi dhe dhembshuri për njerëzit me të cilët jetojmë. Këto lidhje janë më të forta se sa ndryshimet që shpesh na ndajnë.”- thuhet në deklaratën e presidentit amerikan. 

Sipas presidentit Obama, “ky muaj na kujton gjithashtu se liria, dinjiteti dhe mundësia janë të drejta të pamohueshme për të gjithë njerëzimin. Reflektojmë mbi këto vlera universale në kohën kur shumë qytetarë në mbarë Lindjen e Mesme dhe Afrikën Veriore vazhdojnë të luftojnë për këto të drejta themelore dhe ndërsa miliona refugjatë e festojnë Ramazanin larg shtëpive të tyre. Shtetet e Bashkuara u qëndrojnë pranë atyre që punojnë për të ndërtuar një botë ku të gjithë njerëzit mund të shkruajnë të ardhmen e tyre dhe të praktikojnë besimin e tyre të lirë, pa frikë dhe dhunë.” 

“Në Shtetet e Bashkuara Ramazani shërben si kujtesë se miliona amerikanë myslimanë na pasurojnë kombin çdo ditë – duke shërbyer në qeverinë tonë, duke udhëhequr zbulimet shkencore, duke krijuar punë dhe duke u kujdesur për fqinjët tanë në nevojë. Kam qenë i nderuar të hap një darkë iftari në Shtëpinë e Bardhë çdo vit për katër vitet e kaluara dhe këtë vit pres me padurim të ftoj Amerikë myslimanë që kontribuojnë në vendin tonë si sipërmarrës, aktivistë dhe artistë. U uroj myslimanëve në Amerikë dhe anekënd botës një muaj të bekuar me gëzimin e familjes, paqes dhe mirëkuptimit. Gëzuar Ramazanin! “- përfundon deklarata. 

/portali DurresLajm/

Na bëni like në facebook!: 

Lajme nga e njëjta kategori

Një tërmet i fuqishëm 7.1 sipas shkallës Rihter goditi Indonezinë, dhe Qendra e Paralajmërimit të Cunamit të Paqësorit lëshoi një alarm p

Ankaraja nuk do të heqë dorë nga sistemi mbrojtës raketor S-400 i Rusisë, edhe nëse e përvetëson sistemin Patriot të SHBA.

Italia do të shpallë gjendje të jashtëzakonshme pasi qyteti i Venecias u përfshi nga nivelet e larta të ujit prej 1.87 metra, duke përmby

Bashkimi Evropian i ka bërë thirrje Bosnje Hercegovinës që të mbyllë menjëherë kampin e emigrantëve në Vuçjak, dhe të zhvendosë në mjedis

Detaje tronditëse janë zbardhur nga aksidenti i rëndë rrugor, që ndodhi mbrëmjen e kaluar në Sllovaki.

Një kamion është përplasur me një autobus të pasagjerëve, duke lënë të vdekur 12 persona në perëndim të Sllovakisë të mërkurën, duke shën

Moti i keq me shi dhe erëra të fuqishme goditën pjesën më të madhe të qyteteve bregdetare në Kroaci, nga pjesa jugore e Adriatikut, ku uj

Autoritetet italiane kanë sekuestruar një sasi rekord kokaine prej 1176 kg, të fshehur në një kontejner me banane dhe që vinte nga Amerik

Organizata për Bashkëpunim Ekonomik dhe Zhvillim (OECD) bëri thirrje për krijimin e strategjive kombëtare dhe planeve të veprimit për të

Për xhihadistët dhe familjarët e tyre që shkuan nga Evropa në Siri për t’ju bashkuar ISIS-t dhe që tashmë mbahen në kampet e administruar