Ndalohen 11 persona në lidhje me vrasjen e mësuesit francez

18/10/2020 - 17:35

11 persona janë ndaluar deri tani në lidhje me vrasjen makabre të një mësuesi francez në një periferi të Parisit. Autoritetet ndaluan menjëherë pas aktit katër të afërm të personit të akuzuar për vrasjen, ndër to edhe babain e tij. Arrestimet e tjera u bënë të shtunën dhe sot. Ndër të ndaluarit është edhe një i njohur i autorit të sulmit, i cili sipas autoriteteve ishte nën vëmendjen e shërbimeve të zbulimit francez.

Të premten një 18-vjeçar me origjinë nga Çeçenia vrau mësuesin e historisë, Samuel Paty, pasi ai kishte treguar në klasë karikatura të Profetit Muhamet, thanë prokurorët. Shumë myslimanë e shohin çdo shëmbëlltyrë të profetit si ofezë ndaj fesë së tyre. 47-vjeçari Paty u ekzekutua me prerje koke para shkollës në një lagje periferike të Parisit.

I dyshuari u qëllua për vdekje nga policia pak pas sulmit. Autoritetet e kanë cilësuar sulmin një goditje në zemër të vlerave franceze. Presidenti francez do të zhvillojë sonte një takim me kabinetin e tij lidhur me sigurinë e brendshme në vend.

Ndërkaq, Ministri francez i Financave Bruno Le Maire tha sot se do të propozojë masa më të forta kontrolli ndaj fondeve për shoqata islamiste, pas ekzekutimit të një mësuesi francez nga një person i dyshuar si ekstremist islamik.

Ministri Le Marie tha se ekziston një lëvizje problematike parash në llogari të shoqatave islamiste dhe se situata kërkon vëmendje. Ai përmendi si shembull fondet përmes monedhave dixhitale, duke thënë se autoritetet duhet të vendosin rregullore më të forta kontrolli, pasi këto lëvizje fondesh po ushqejnë terrorizmin.

Në Paris, banorë dhe autoritete morën pjesë sot në ceremoni të organizuara për të nderuar kujtimin e mësuesit. Ndërkaq, dje qindra vetë, përfshirë prindër e nxënës shkollash u mblodhën në kujtim të tij në shkollën ku ai jepte mësim.

Një nderim kombëtar është planifikuar për të mërkurën, njofton zyra e Presidentit Macron. /VOA

/portali DurresLajm/

Na bëni like në facebook!: 

Lajme nga e njëjta kategori

Senati amerikan hodhi poshtë të martën një përpjekje të republikanëve për të ndalur gjyqin e pritshëm ndaj ish-presidentit Donald Trump.

Koreja e Veriut ka filluar testimin e vaksinën se saj anti-covid, e cila thuhet të jetë rezultat i informacioneve të vjedhura nga prodhue

Italia në 24 orët e fundit ka regjistruar 15.204 raste të reja me Covid-19, sipas të dhënave të Ministrisë së Shëndetësisë së vendit fqin

Më shumë se 18 mijë persona kanë humbur jetën në 24 orët e fundit në botë nga Covid-19.

Varianti i ri i koronavirusit i zbuluar për herë të parë në Britaninë e Madhe në fund të vitit 2020, është përhapur në 70 vende të botës,

Shumica dërrmuese e republikanëve të Senatit Amerikan votuan kundër procedimit të gjyqit të ish-presidentit amerikan, Donald Trump.

Numri i rasteve të konfirmuara me koronavirus në botë kaloi 100 milionë, në kohën kur vendet po përpiqen të frenojnë variantet e reja të

Presidenti i Shteteve të Bashkuara, Joe Biden, ka zhvilluar një bisedë telefonike me presidentin e Rusisë, Vladimir Putin.

Në 24 orët e fundit autoritetet shëndetësore italiane kanë raportuar 10,593 raste të reja me koronavirus në vend.

Senati i Shteteve të Bashkuara ka marrë zyrtarisht akuzën e ngritur kundër ish-Presidenti Donald Trump, i vetmi president në historinë e