Ndizen sheshet italiane nga protestat anti-Covid (VIDEO)

26/10/2020 - 22:30

Milano, Torino, Napoli dhe Trieste janë përfshirë nga protesta të dhunshme mbrëmjen e sotme kundër masave bllokuese ndaj Covid-19 që kanë hyrë në fuqi me dekretin e ri.Tregtarë, pronarë restorantesh, trajnerë sporti, organizata dhe lëvizje neofashiste dolën në rrugë. Kryetarët e bashkive deklaruan se kanë nevojë për veprime konkrete, ndërsa paralajmëruan se do të bëjnë gjithçka për të ndaluar dhunën”. 

Në Torino, protestuesit hodhën  fishekzjarre dhe shishe molotovi kundër policisë dhe thyen vitrinat e dyqaneve. Protesta kundër “diktaturës, shtetrrethimit dhe bllokimit” nisi të mblidhej në orën 20.30. Tre përplasje të forta me policinë. Fillimisht ndaj tyre u hodhën dy fishekzjarre të mëdhenj. Në përplasjen e dytë pati 5 të shoqëruar. Në përplasjen e tretë një djalë u plagos në kokë. Policia  iu përgjigj  dhunës së protestuesve me gaz lotsjellës. Demonstruesit përmbysën koshat e plehrave dhe dëmtuan vitrinat e dyqaneve.

Kokteje molotovi bllokuan trafikun në qendër të Milanos. U dëmtuanpengesat e përdorura për biçikletat, u përmbysën koshat. Një koktej molotov u hodh drejt një makine të policisë lokale. 

Në Trieste u hodhën fishekzjarre dhe shashka tymyese ndaj prefekturës.Në shesh marshuan mijëra pronarë të baresh, restorantesh, dyqane ëmbëlsirash, palestrash dhe pishinash.

Në Napoli dy tentativa për grumbullime, i pari çoi në shesh 300 demonstrues, ndërsa i dyti u shpërnda pa incidente.

Protesta pati dhe në Romë,  Viareggio, Parma, Catania, Pescara ,Vicenza, Perugia , Genoa, Foggia, Pesaro, Trieste, Bolonja, Firence, Lecce, Campobasso,  Sanremo etj.

/portali DurresLajm/

Video: 
Na bëni like në facebook!: 

Lajme nga e njëjta kategori

Tre institucionet e BE-së, Parlamenti Evropian , Këshilli i BE dhe Komisioni Evropian, të përfaqësuar nga presidentët e tyre morën pjesë

Sekretari i përgjithshëm i NATO-s, Jens Stoltenberg, u bëri thirrje vendeve anëtare që t’i përgjigjen rritjes së ndikimit të Kinës.

Ambasada e Kinës në Londër e dënoi një deklaratë të grupit të vendeve më të industrializuara (G7), duke e cilësuar si “ndërhyrje bruto” n

Presidenti i SHBA, Joe Biden të dielën pas Samitit të G7 takoi Mbretëreshën e Britanisë së Madhe, Elizabetën ll.

Presidenti i Rusisë, Vladimir Putin ka thënë se vendi i tij është i gatshëm të dorëzojë kriminelët kibernetikë në Shtetet e Bashkuara, po

Ditën e sotme pritet të mbahet Samiti i NATO-s, ku liderët europianë dhe Presidenti i SHBA, Joe Biden janë zhvendosur nga Cornwall në Bru

Me 60 vota pro dhe 59 kundër, parlamenti izraelit ka miratuar qeverinë e re mbrëmjen e së dielës, sipas orës lokale, duke i dhënë fund qe

Ngjarje tronditëse në Itali. Një 35-vjeçar ka vrarë dy fëmijë dhe një të moshuar.

Jean-Luc Mélenchon, politikan francez, kandidat në zgjedhjet presidenciale, ka përjetuar një moment të sikletshëm, kur gjatë protestave t

Vendet e G7 do të sigurojnë 1 miliardë doza vaksinash gjatë vitit të ardhshëm për vendet e varfra si pjesë e një plani për të “vaksinuar