Nis operacioni ushtarak i Turqisë, zhvillohen luftime të ashpra në territorin sirian

10/10/2019 - 15:58

Ushtria turke vazhdoi të enjten ditën e dytë të ofensivës kundër milicive kurde, që kontrollojnë territorin e Sirisë përgjatë kufirit me Turqinë. Presidenti turk, Recep Tayyip Erdogan, i hodhi poshtë kritikat ndërkombëtare për operacionin ushtarak në lindje të lumit Eufrat, duke përsëritur se ofensiva ka për qëllim “të eliminojë terrorin” përgjatë kufijve të Turqisë.

Erdogan po ashtu tha se forcat e armatosura turke, deri tani, “i kanë neutralizuar” gjithsej 109 “terroristë”, duke iu referuar milicive kurde. Më herët, forcat e armatosura turke thanë se kanë goditur 181 caqe me sulme ajrore, që nga fillimi i operacionit të mërkurën.

Forcat Demokratike Siriane, të udhëhequra nga kurdët, raportuan për “përleshje të rënda” në fshatrat kufitare. Operacioni turk filloi pasi presidenti i Shteteve të Bashkuara, Donald Trump urdhëroi tërheqjen e trupave amerikane nga këto zona. Vendimi nxiti kritika dhe shqetësime sidomos për civilët sirianë.

Prej disa muajsh Turqia ka kërcënuar se do të nisë operacionin ushtarak në kufirin e saj me Sirinë, duke thënë se dëshiron të krijojë një “zonë të sigurt” atje, ku edhe do të dërgonte miliona refugjatë sirianë. Turqia i konsideron milicitë kurde në Siri si pjesë të Partisë së ndaluar të Punëtorëve të Kurdistanit, e cila ka luftuar për autonominë kurde brenda Turqisë për tri dekada me radhë.

Këto milici, megjithatë, e mohojnë çdo lidhje të drejtpërdrejtë organizative me Partinë e Punëtorëve të Kurdistanit. Milicitë kurde kanë qenë aleate të forcave amerikane në luftën kundër grupit militant Shteti Islamik në Siri.

 

 

/portali DurresLajm/

Na bëni like në facebook!: 

Lajme nga e njëjta kategori

Vaksina kundër koronavirusit ka kaluar me sukses testimin e parë tek kafshët.

14 personat e parë që vdiqën në vijat e frontit kundër Covid-19 në Hubei, u nderuan zyrtarisht me titullin “dëshmor”.

Numri i vdekjeve të koronavirusit në spitalet e Francës ka arritur në 4,503, një rritje prej 471 rastesh në 24 orë, por një shifër pak më

Shtetet e Bashkuara të Amerikës kanë vendosur rekord sa i përket numrit të viktimave brenda 24 orëve nga koronavirusi.

Janë shtuar akoma më tej personat e infektuar me koronavirus në mbarë botën. Në të gjithë globin, deri tani numërohen afërsisht 1 milionë

569 persona kanë humbur jetën nga koronavirusi në 24 orët e fundit në Mbretërinë e Bashkuar, duke e çuar numrin e përgjithshëm të vdekjev

Sipas të dhënave të publikuara nga Mbrojtja Civile në Itali, ditën e sotme është regjistruar sërish një numër i lartë vdekjesh nga pandem

British Airways njofton se do të pezullojë nga puna 36 mijë punëtorë duke filluar nga pilotët deri te personeli ndihmës. Sipas kompanisë,

Spanja ka shënuar një tjetër rekord negativ përsa i përket numrit të viktimave që kanë humbur jetën brenda një dite.

Presidenti i Filipineve Rodrigo Duterte ka urdhëruar policinë dhe ushtrinë që të vrasë të gjithë personat që krijojnë shqetësime dhe thye