Nis procesi gjyqësor për rastin Khashoggi

03/07/2020 - 11:29

Të premten një gjykatë turke hapi gjyqin ndaj 20 zyrtarëve sauditë, të akuzuar për vrasjen e gazetarit, Jamal Khashoggi, një kritik i shquar i udhëheqjes Saudite.

Ai shkruante për gazetën amerikane Washington Post. Në shkrimet e tij Khashoggi ishte shumë kritik ndaj sundimtarit de fakto të Arabisë Saudite, Princit të Kurorës, Mohamed bin Salman.

Khashoggi, u vra në Konsullatën Saudite në Stamboll në muajin tetor të vitit 2018.

Zyrtarët sauditë kishin thënë se vdekja e tij ishte rezultat i një “operacioni mashtrues” dhe nuk ishte urdhëruar nga shteti.

Në aktakuzën e prokurorëve të Stambollit, janë të përfshirë edhe ish-nënkryetari i inteligjencës së përgjithshme të Arabisë Saudite, Ahmed al-Asiri dhe ish këshilltari i gjykatës mbretërore, Saud al-Qahtani, për nxitjen e “vrasjes me paramendim me qëllim monstruoz”.

Të 20 të pandehurit pritet të gjykohen në mungesë.

Khashoggi u pa për herë të fundit duke hyrë në konsullatë për të rregulluar dokumente për dasmën e tij.

Zyrtarët turq thanë se ai u vra brenda konsullatës dhe trupi i tij ishte shpërbërë. Eshtrat e tij nuk janë gjetur.

“Shpresoj që kjo çështje penale në Turqi të nxjerrë në dritë vendndodhjen e mbetjeve mortore të Jamal Khashoggit dhe provat kundër vrasësve”, tha e fejuara i tij, Hatice Cengiz.

Zyrtarët e inteligjencës amerikane kanë thënë se ata mendojnë se Princi i Kurorës urdhëroi vrasjen e Khashoggit – një pretendim që zyrtarët sauditë e mohojnë.

Departamenti amerikan i Shtetit në prill të vitit 2019 emëroi 16 persona për rolin e tyre në vdekjen e Khashoggi, të cilëve iu ndalua hyrja në Shtetet e Bashkuara.

Në dhjetor një gjykatë saudite dënoi pesë persona me vdekje, dhe tre me burg për vrasjen e Khashoggit, përmes një procesi gjyqësor që u zhvillua me dyer të mbyllura.

Familja e Khashoggit më vonë tha se ata i kanë falur vrasësit e tij. /REL

/portali DurresLajm/

Na bëni like në facebook!: 

Lajme nga e njëjta kategori

Më shumë se gjysma e pacientëve nga Italia që ishin shtruar në spital për shkak të COVID-19 më vonë pësuan çrregullime mendore, sipas rez

Shumicë e linjave ajrore po konsiderojnë pakësimin e fuqisë punëtore gjatë 12 muajve të ardhshëm për shkak të paqartësive në lidhje me CO

Kanadaja ka rritur gatishmërinë prej stuhisë “Isaias” që prej fundjavës së kaluar ka lënë disa viktima në Ishujt Karaibe dhe në brigjet l

Mecklenburg-Vorpommern, Hamburgu, Berlini, Brandenburgu, Schleswig-Holsteini dhe Nordrhein-Westfalen janë landet e para që deri nga mesi

Kompania amerikane, Novavax, njoftoi se vaksina e saj eksperimentale kundër COVID-19, ka nxitur një përgjigje të fortë të imunitetit, duk

Ministri i shëndetësisë libaneze, Hamad Hasan ka këshilluar qytetarët që kush mundet të largohet nga Bejruti.

Prej ditës së djeshme sytë e botës janë kthyer nga kryeqyteti i Libanit, pas shpërthimit të tmerrshëm që u ka marrë jetën deri më tani më

Presidenti amerikan, Donald Trump, tha se shpërthimi masiv në Bejrut të Libanit mund të ketë qenë një sulm.

Skuadrat e Shpëtimit në Bejrut vazhdojnë që të kërkojnë në rrënoja për trupa të vdekur dhe njerëz të gjallë, nga shpërthimi i depove i nd

Me ligj Holanda ndaloi mbajtjen e burkës në ambiente publike. Një vit më pas myslimanet ankohen për rritje të agresivitetit ndaj tyre.