Nisin aksionet kundër emigrantëve

16/07/2019 - 08:22

Administrata e Presidentit Trump po përpiqet t’i japë fund mbrojtjes përmes azilit për shumicën e emigrantëve të Amerikës Qendrore që hyjnë në vend. Një rregullore e publikuar të hënën, i ndalon imigrantët të kërkojnë strehim në Shtetet e Bashkuara nëse ata kanë udhëtuar përmes një vendi të tretë.

Dhjetëra mijëra familje emigrantësh nga Amerika Qendrore udhëtojnë çdo muaj nëpër Meksikë për të ardhur në SHBA. Administrata e Presidentit Trump thotë se familjet përfitojnë nga mangësitë ligjore për të hyrë në vend dhe pastaj presin deri sa të merren në shqyrtim kërkesat e tyre të rreme për azil.

Ndërkohë, të dielën në nëntë qytete amerikane filluan operacionet ndaj 2 mijë imigrantëve të cilët kanë marrë urdhra deportimi. Qytetet përfshijnë Nju Jorkun, Çikagon dhe Los Anxhelesin. Siç njofton korrespondenti i Zërit të Amerikës, Mike O’Sullivan ashpërsimi i masave ka zemëruar demokratët, përfshirë shumë zyrtarë lokalë, por po përshëndetet nga përkrahësit e Presidenit Donald Trump.

Të premten në San Francisco, kryetarja e bashkisë, London Breed premtoi se qyteti i saj do t’i mbronte imigrantët, duke sfiduar administratën e presidentit Trump.Të dielën, protestuesit u mblodhën në Nju Jork.
“Kontrollet dhe kërcënimi për bastisje, kanë ndikuar tek komunitetet tona duke ngjallur frikë. Ky është i vetmi qëllim i tyre: të përhapin frikë, që t’i bëjnë njerëzit të mos ndjehen të sigurt të dalin nga shtëpitë e tyre”, thotë Carina Kaufman-Gutierrez, e organizatës “Queens Neighborhoods United”.

Të premten, pranë San Diegos protestuesit marshuan drejt kufirit, ndërsa në Uashington, anëtarë të Kongresit folën për mbipopullimin e qendrave të ndalimit të imigrantëve dhe kushtet johigjienike të tyre.

“Është e panevojshme të kesh një politikë për të ndaluar gra dhe familje të pafajshme që nuk kanë dëmtuar askënd dhe që po kërkojnë ligjërisht azil në Shtetet e Bashkuara”, tha anëtarja demokrate e kongresit, Alexandria Ocasio-Cortez

Zyrtarët amerikanë thonë se janë të mbingarkuar nga njerëzit që duan ta kalojnë kufirin në mënyrë të paligjshme, numri i të cilëve ka aritur në 100 mijë në muaj. Republikanët thonë se bëhet fjalë për krizë.

“Para disa muajsh, ndërsa shumë nga kolegët e mi ankoheshin se situate në kufi ishte një krizë e sajuar, ne po bënim thirrje për veprim të menjëhershëm sepse gjendja ishte e tmerrshme. Qendrat ishin të mbingarkuara dhe të tmerrshme”, tha anëtari republikan i Kongresit, Andy Biggs.

Përkrahësit e Presidentit thonë se Kongresi duhet të rregullojë mangësitë në ligj. Kritikët thonë se sistemi është defektoz dhe duhet të reformohet rrënjësisht./VOA

/portali DurresLajm/

Na bëni like në facebook!: 

Lajme nga e njëjta kategori

Një lëkundje e fortë tërmeti e mangitudës 6.8 e shkallës Rihter goditi Mindanaon, ishullin më të madh të arkipelagut në Filipine, i shoqë

Bisedimet për ndryshimet klimatike në Kombet e Bashkuara që po mbahen në Madrid, janë bllokuar të shtunën pa arritjen e ndonjë marrëveshj

Australia mund të përballet me ditë shumë të nxehta gjatë javës së ardhshme, kanë paralajmëruar parashikuesit e motit.

Disa vende të Europës, nga Irlanda e Franca deri në Itali e Greqi, prej orësh po përballen me masa ciklonare që kanë lënë deri tani edhe

Parlamenti i sapozgjedhur britanik do të mblidhet të martën.

Kushtet atmosferike shkaktuan mbylljen e shkollave ne Romë e Napoli.

Pas fitores bindëse në zgjedhjet e parakohshme të së enjtes, Boris Johnson mori nga mbretëresha mandatin për formimin e qeverisë.

Policia gjermane tha se ka gjetur bombola gazi dhe municione të vjetra lufte në një apartament, ku të premten ndodhi një shpërthim, që la

I dërguari i Shteteve të Bashkuara për Afganistanin, Zalmay Khalilzad ka thënë se bisedimet për paqe me talibanët do të pezullohen përkoh

Ajo që po ndodh në oqeanin Paqësor, pranë brigjeve të Kalifornisë, është një mister i vërtetë.