Një aeroplan ka fluturuar mbi Detroit duke tërhequr disa pankarta të mëdha, ku shkruheshin fjalët e fundit të George Floyd para se të vdiste: “Të lutem, nuk mund të marr frymë.”
Më vonë gjatë ditës, disa aeroplanë filluan të fluturonin në qiellin e Miamit, Dallas, Los Angelos dhe New York me pankarta të mëdha, ku shkruheshin fjalët:
“Më dhemb stomaku. Më dhemb qafa. Po më dhemb gjithça. Ata do të më vrasin”, këto janë disa nga fjalët e shkruara.
Jammie Holmes, artististi i cili qëndron pas këtij projekti është shprehur: Shkrimi i qiellit përdoret rrallë për qëllime politike ose shoqërore, për të ushtruar fjalën e lirë, sepse është një prizë e padisponueshme për të varfërit. Dhënia e mesazheve është thelbësore për ndryshime të vërteta.
Ndërkohë që oficeri Derek Chauvin i mbante këmbën në qafë, Floyd po përsëriste vazhdimisht se nuk po merrte dot frymë madje po bërtiste edhe nga dhimbjet: “Mos më vrisni” ishin fjalët e tij të fundit dhe u bë i pandërgjegjshëm. Oficeri Derek ka vazhduar të mbajë gjurin e tij në qafën e Floyd 2 minuta e 53 sekonda edhe pasi ai humbi ndjenjat.
Floyd u bë një nga më shumë se 1.000 amerikanë që u vranë nga policia gjatë vitit të kaluar.
