Pamjet e para nga spitali, fëmijët tajlandezë përshëndesin prindërit dhe gazetarët

11/07/2018 - 17:51

   Nga spitali ku po trajtohen vijnë pamjet e para të 12 djemve tajlandezë dhe trajnerit të tyre, pasi u shpëtuan nga një shpellë e përmbytur.

Djemtë shfaqen me maska spitalore mbi fytyrë, por duken në gjendje të mirë shëndetësore dhe ia bëjnë kameras me dorë, por edhe familjeve të tyre, me të cilët nuk janë përqafuar ende, por shihen përmes një paneli të trashë xhami.

Djemtë mbahen në karantinë, pasi po kryen analizat për të parë nëse kanë marrë ndonjë infeksion të rrallë në thellësi të tokës, megjithëse mjekët thonë se gjendja e tyre e mirë duket se e përgënjeshtron këtë mundësi.

Bashkë me pamjet nga spitali, autoritetet tajlandeze publikuan edhe detaje të tjera të operacionit dramatik për shpëtimin e tyre, që mbajti botën me frymën pezull.

Zhytësat që kryen operacionin treguan se futbollistët e vegjël u droguan rëndë, para se shpëtimi i tyre të kryhej, në mënyrë që të mos trembeshin gjatë zhytjes në tunelet e rrezikshme të shpellës.

“Tani që rreziku kaloi mund të bëjmë shaka dhe ju siguroj se ata djem nuk do të argëtohen kurrë më shumë sesa gjatë zhytjes në shpellë”, citohet një zyrtar anonim nga mediet.

Gjithashtu, mësohet se djemtë dhe trajneri i tyre mbijetuan për 9 ditë para se të gjendeshin duke pirë ujin që rridhte nga muret e shpellës. Djemtë u pajisën gjithashtu me skafandra zhytjeje, që mbulojnë gjithë kokën dhe jo maskat tradicionale që janë mjaft të vështira për fillestarët.

/portali DurresLajm/

Na bëni like në facebook!: 

Lajme nga e njëjta kategori

Procesi i Brexit është një nga çështjet më të nxehta mes Britanisë së Madhe dhe Bashkimit Europian.

Një vajzë 4-vjeçare ndodhet nën mbikëqyrjen e mjekëve pasi ra nga kati i 7-të i një shumëkatëshi në qytetin Gothenburg të Suedisë.

Prokurori i posaçëm Robert Mueller thotë se as Presidenti Donald Trump, as fushata e tij dhe as ndonjë tjetër i lidhur me këtë fushatë,

Të dielën e kaluar një fluturim i Ethiopian Airlines është rrëzuar, duke shkaktuar vdekjen e të gjithë personave në bord.

Gjykata Evropiane e Drejtësisë e hapi rrugën që Gjermania t’i ekstradojë azilkërkuesit në shtete të tjera anëtarë të BE-së.

Partitë Popullore Europiane vendosën përjashtimin e simotrës hungareze “Fidesz”.

Shërbimi i sigurisë i Ukrainës njoftoi se ka konfiskuar një dërgesë të drogës nga Amerika Jugore me vlerë rreth 51 milionë dollarë.

Bashkimi Evropian do të pajtohet për shtyrje të datës së largimit të Britanisë nga Bashkimi Evropian, vetëm nëse Parlamenti britanik do t

Autori i masakrës së të premtes në dy xhamitë në Christchurch, në Zelandën e Re, ku mbetën të vdekur 50 persona, kishte planifikuar edhe