Pas skandalit, dorëhiqet shefi i sigurisë së Facebook-ut

20/03/2018 - 17:56

   Skandali me përdorimin e të dhënave personale të përdoruesve të Facebook për të ndikuar në zgjedhjet amerikane dhe Brexit ka shkaktuar dorëheqjen e parë.

Përgjegjësi për sigurinë e informacionit i rrjetit social Facebook, Alex Stamos, ka dhënë dorëheqjen për shkak të skandalit me “Cambridge Analytica”, një shoqëri e cila ka ndihmuar Donald Trump gjatë zgjedhjeve presidenciale të 2016-s dhe fushatën pro Brexit, duke shfrytëzuar të dhënat e mbi 50 milionë përdoruesve të Facebook.

Stamos në prononcimin e tij ka folur për “mosmarrëveshje të brendshme” lidhur me menaxhimin e çështjes “Fake News” nga drejtuesit e gjigandit të teknologjisë. Sipas asaj që raporton gazeta Nju Jork Tajms, ai është larguar me polemika të shumta dhe ka kërkuar nga drejtuesit e Facebook që të tregojnë transparencë të plotë në aktivitetet dezinformuese të Rusisë në platformën e tyre.

Duket se të dhënat personale të 50 milionë përdoruesve të këtij rrjeti social janë filtruar nga kompania britanike e konsulencës dhe janë përdorur për të gjurmuar profile të votuesve me qëllim propagande si në SHBA ashtu dhe në Mbretërinë e Bashkuar, në veçanti në favor të presidentit aktual të Amerikës. Përveç këtyre problemeve, Facebook ka pësuar rënie edhe në bursë duke humbur mbi 7% të vlerës.

Komisioneri britanik për Informacionin njoftoi se do të kërkojë një mandat kontrolli për serverat dhe të dhënat e përdorura nga kompania Cambridge Analytica. Drejtori ekzekutiv i saj është filmuar nga media britanike “Channel 4 News” duke treguar se mund të përdorë kurthe me femra nga Ukraina dhe shantazhe për të diskredituar politikanët. Me gjithë këto zbulime nga një kamerë e fshehtë, kompania britanike mohon të ketë vepruar në shkelje të ligjit.

Për këtë çështje ka reaguar edhe Bashkimi Europian, duke e konsideruar të papranueshme përdorimin e të dhënave personale të përdoruesve të Facebook për qëllime politike. Gjithashtu njoftoi se shumë shpejt do të veprojë për të mbrojtur qytetarët europianë nga keqpërdorimi i të dhënave të tyre në rrjetet sociale. /abcnews.al

/portali DurresLajm/

Na bëni like në facebook!: 

Lajme nga e njëjta kategori

Pas disa orë kërkimesh, policia holandeze e arrestoi të dyshuarin për sulmin me armë në një tramvaj në qytetin Utrecht, ku mbetën të vrar

Kryeministrja e Zelandës së Re, Jacinda Ardern është zotuar që të mos përmendë kurrë emrin e autorit të masakrës në dy xhami të vendit, k

Ish-presidenti i Shteteve të Bashkuara, George W.

Tre veta u vranë dhe nëntë të tjerë u plagosën nga të shtënat në një tramvaj në qytetin Utrecht të Holandës, tha prefekti i këtij qyteti

Kreu i Dhomës së Përfaqësuesve të Britanisë, John Bercow ka përjashtuar një tjetër votim mbi marrëveshjen e mëparshme të Brexit, u refuzu

Mëngjesin e sotëm është raportuar për një sulm me armë në qytetin hollandez të Utrecht.

Pa kaluar shumë kohë nga mbyllja e një shtegu të parave të pista hapet një tjetër në horizont, i cili përdoret nga kriminelë e trafikantë

Rritet numri i viktimave si pasojë e përmbytjeve të furishme që kanë goditur provincën indoneziane të Papua, duke shkaktuar edhe rrëshqit

Kryeministrja e Zelandës së Re, Jacinda Ardern njoftoi sot se qeveria e saj binte dakord në parim për ashpërsimin e legjislacionit për ar

Politika e Bashkimit Europian të kujton praktikat e byrosë politike të ish-vendeve komuniste, dëgjohet nga qarqet populiste të djathta pa