Parlamenti Evropian mbështeti emërimin e Christine Lagarde si presidente e ardhshme e Bankës Qendrore Evropiane, duke i hapur rrugën që të bëhet gruaja e parë që mban këtë post.
Ligjvënësit votuan 394 për, 206 kundër dhe me 49 abstenime në seancën e parlamentit në Strasburg.
“Christine Lagarde është një zgjedhje e shkëlqyeshme”, tha para votimit Ludek Niedermayer, ligjvënës i krahut të djathtë.
Lagarde e cila ka drejtuar më parë Fondin Monetar Ndërkombëtar, nuk ishte e pranishme në seancë, pavarësisht ftesës për të marrë pjesë.
Udhëheqësit e BE-së do të formalizojnë emërimin e saj për një mandat tetë vjeçar në një samit të rregullt në mes të muajit tetor.
