Plani për Brexit pa marrëveshje, Britania e Madhe mund të përballet me mungesa ushqimesh e ilaçe

12/09/2019 - 12:50

Planet e Qeverisë britanike për largim nga Bashkimi Evropian pa marrëveshje, tregojnë vështirësi të mundshme në sigurimin e ilaçeve dhe një sasie të ushqimit të freskët si dhe paralajmërojnë mundësinë e organizimit të protestave në këtë shtet.

Dokumenti i publikuar të mërkurën mbrëma është thënë të jetë hartuar më 2 gusht, nëntë ditë pasi Boris Johnson ka fituar postin e kryeministrit dhe ka krijuar bazën e planeve në rastit të Brexitit pa marrëveshje.

Aty thuhet se sipas skenarit më të keq, bizneset mund të përballen me ulje të të hyrave për shkak të dilemave derisa të finalizohet Brexiti. Shtetasit britanikë po ashtu mund të jenë subjekte të rritjes së kontrolleve në kufijtë në Bashkimin Evropian.

Përveç tjerash aty janë përmendur edhe problemet me furnizim me naftë si dhe është thënë se paniku i blerjes së tepërt mund të rezultojë me mungesa në disa pjesë të shtetit.

Ky dokument është publikuar për herë të parë në të përditshmen, Sunday Times më 18 gusht. Michael Gove, ministri britanik i angazhuar për përgatitje në rast të Brexitit pa marrëveshje, ka thënë se këto paralajmërime janë të vjetra dhe nuk reflektojnë nivelin aktual të punës.

Partia Laburiste që është në opozitë ka thënë se dokumenti ka konfirmuar rreziqet e mëdha të Brexitit pa marrëveshje.
“Është absolutisht e papërgjegjshme që qeveria ka tentuar të injorojë këto paralajmërime dhe të parandalojë publikun që të mos shohë këto të dhëna”, ka thënë zëdhënësi i laburistëve për Brexit, Keir Starmer.

Vendimi për largim të Britanisë nga blloku evropian ka ardhur pasi 52 për qind e votuesve kanë votuar për dalje të Britanisë nga BE-ja kundruall 48 për qind që kanë kundërshtuar atë, në referendumin e mbajtur më 2016.

/portali DurresLajm/

Na bëni like në facebook!: 

Lajme nga e njëjta kategori

Disa muaj më parë, shumë njerëz mund të mos kenë dëgjuar asnjëherë për ilaçin Remdesivir.

Shtetet e Bashkuara festojnë Ditën e Pavarësisë këtë fundjavë, ndërsa po fiton vrull një fushatë për të hequr simbolet e trashëgimisë pro

OBSH u ka bërë thirrje qeverive të zgjohen dhe të impenjohen në luftën kundër koronavirusit.

Komisioni Evropian ka miratuar përdorimin e ilaçit Remdesivir, për trajtimin e COVID-19.

Sipas të dhënave të Ministrisë së Shëndetësisë, në 24 orët e fundit në Itali janë regjistruar 223 raste të reja me koronavirus, duke shën

Lideri i Koresë së Veriut, Kim Jong-un, ka përshëndetur suksesin e shndritshëm të vendit, sipas tij, në përballjen me Covid-19.

Presidenti francez, Emmanuel Macron emëroi të premten shërbyesin civil francez, Jean Catex, që ka hartoi politikat e zbutjes së masave ku

Guvernatori i Teksasit në SHBA, Greg Abbott ka urdhëruar qytetarët të mbajnë maskat mbrojtëse në publik, pasi rritjes së numrit të rastev

Në varrezat masive në qytetin perëndimor të Libisë, Tarhuna, janë zbuluar edhe gjashtë kufoma të tjera.

Jep dorëheqjen nga detyra kryeministri francez, Edouard Philippe, pak përpara se të zhvillohej një riorganizim i qeverisë nga presidenti