Reagimi i Merkelit pas lajmit për dorëheqjen e May-t

25/05/2019 - 10:11

Kancelarja gjermane Angela Merkel "e mori në konsideratë me respekt" njoftimin e dorëheqjes së kryeministres britanike Theresa May". Zëvendëszëdhënësja e qeverisë, Martina Fietz tha në Berlin se Merkeli ka punuar gjithmonë me besim me May-n dhe do të vazhdojë ta bëjë këtë për sa kohë që May është në detyrë. Ajo nuk donte të jepte një vlerësim, se si do të ndikojë ky hap për largimin e planifikuar të Britanisë së Madhe nga BE. Qeveria federale mban një marrëdhënie të ngushtë me Britaninë e Madhe. Fietz tha vetëmn "Kjo do të vazhdojë të jetë kështu".

Brukseli: Nuk ka ndryshime në pozicionin e BE-së

May kishte njoftuar pak më parë (24.05) në Londër se do të heqë dorë më 7 qershor nga posti i saj si kryetare e Partisë Konservatore. Në këtë mënyrë, janë të numëruara edhe ditët e saj si kryeministre.

Kreut të partisë britanike në pushtet tradicionalisht i rezervohet edhe posti i kryeministrit. May ka dështuar në parlament tri herë me marrëveshjen e daljes nga BE, marrëveshje të cilën ajo e ka negociuar me Brukselin. Për këtë arsye, ajo pati rënë dakord me krerët e shteteve dhe qeverive të tjera të BE për një shtyrje të Brexitit deri më 31 tetor, pasi, fillimisht dalja planifikohej për në mars.

Një zëdhënëse e Komisionit të BE tha në Bruksel se presidenti Jean-Claude Juncker do të punojë me pasardhësin e Mayit po me aq respekt sa me Mayn.

Pozicioni i Bashkimit Evropian ndaj Brexitit nuk do të ndryshojë, u tha. As qeveria e Irlandës nuk pret që BE të ofrojë një marrëveshje të re apo edhe më të mirë për Brexitin për një kryeministër të ri britanik. Nga perspektiva e BE, durimi për Brexitin ka arritur fundin, tha ministri i Jashtëm irlandez Simon Coveney. Ai mendon se një Brexit pa marrëveshje tani ka më shumë gjasa se kurrë. Por kjo ende mund të shmanget, thotë Coveney.

Një përfaqësues i presidentit francez Emmanuel Macron nuk pranoi të deklarohej për pasojat e mundshme të dorëheqjes së planifikuar të kryeministres britanike. Megjithatë rëndësi thelbësore ka që institucionet e BE të punonin, tha ai. BE ka nevojë për një sqarim të shpejtë të hapave të ardhshëm në Britani. Për të spekuluar mbi pasojat e vendimit të May-t, sipas tij është shumë herët.

Udhëheqësi i Laburistëve bën thirrje përsëri për zgjedhje të reja

Udhëheqësi i opozitës britanike Jeremy Corbyn edhe një herë bëri thirrje për zgjedhje të reja. As May as Partia Konservatore e tyre e përçarë nuk janë në gjendje të qeverisin vendin, tha laburisti. Vendimi i Mayt për të dhënë dorëheqjen ishte i drejtë, tha ai.

/portali DurresLajm/

Na bëni like në facebook!: 

Lajme nga e njëjta kategori

Ka shkuar në 12 të vdekur dhe 125 të plagosur bilanci i viktimave pas tërmetit me magnitudë 6 ballë që goditi dje Kinën dhe qytetin e Yib

Presidenti i Turqisë, Recep Tayyip Erdogan, ka lëshuar një mesazh ngushëllimi për ish-presidentin e parë të Egjiptit të zgjedhur në rrugë

Mohamed Morsi, ish-presidenti i Egjiptit, ka vdekur pasi është paraqitur në gjykatë.

Të paktën 18 persona kanë humbur jetën dhe 30 të tjerë kanë mbetur të plagosur, pasi autobusi me të cilin udhëtonin u rrëzua në qytetin Z

Këto ditë është mbajtur mesha e parë në Notre Dame që nga shkatërrimi i saj në muajin prill nga zjarri masiv.

Para raundit të dytë të zgjedhjeve për kryetar të bashkisë së Stambollit, kandidati i AKP-së, Binali Yildirim në sondazhe qëndron pas kan

Një tërmet i magnitudës 7.4 goditi disa ishuj në Zelandën e Re sot dhe ekspertët thanë se kjo mund të shkaktojë ndryshime të vogla të niv

Në një përpjekje për të parandaluar ligjvënësit që të marrin pjesë në debat, dhjetëra mijëra aktivistë  bllokuan rrugët kryesore rreth se

Pas 8 muajsh kanë përfunduar hetimet për vrasjen e studentes Eleni Topaloudi, ngjarje e ndodhur në ishullin Rodos të Greqisë më 28 Nëntor

Turqia thotë se do t’i kundërpërgjigjet të gjitha sanksioneve të mundshme amerikane për shkak të blerjes nga Rusia të raketave mbrojtëse