Rëndohet bilanci i termetit në kufirin Iran-Irak

Postuar: 13/11/2017 - 22:34

   Vijon të rritet bilanci i viktimave nga tërmeti i fuqishëm që goditi vargmalet që ndajnë Iranin dhe Irakun. Aktualisht numërohen të paktën 407 të vdekur e mbi 7 mijë të plagosur.

Irani ishte vendi më i dëmtuar nga tronditjet e forta të tokës. Pjesa më e madhe e viktimave janë nga qyteti perëndimor Sarpol-e-Zahab. Sipas mediave vendase, më shumë se 200 persona mbeten ende të bllokuar nën rrënoja, në një kompleks rezidencash, që u shkatërrua plotësisht.

Lëkundje ishin të një magnitude 7.2 e shkallës Rihter. Epiqendra e tërmetit u regjistrua 31 kilometra larg qytetit irakian të Halabjasë, në një thellësi prej 40 kilometrash. Dëshmitarët thonë se lagje të tëra janë rrafshuar. Lëkundjet nxorën në rrugë rreth 70 mijë njerëz, që banojnë në qytetet pranë zonës kufitare mes Iranit dhe Irakut.

Ekipet e emergjencës vijojnë kërkimet për të mbijetuar nën rrënoja në të dyja anët e kufirit. Në garë me kohën për shpëtimin e jetëve, autoritetet iraniane u kanë dhënë urdhër edhe punonjësve të administratës të ndihmojnë në pastrimin e rrënojave. Ky është tërmeti me bilancin më tragjik gjatë këtij viti.

Lëkundjet e tij ishin aq të forta sa u ndjenë edhe në shtetet më të largëta si Izraeli, Pakistani, Turqia, Emiratet e Bashkuara Arabe, Kuvajti e Libani. Irani përballet vazhdimisht me lëkundje të forta toke, që kanë shkaktuar mijëra viktima. Ekspertët shpjegojnë se përmes territorit iranian kalon vija ndarëse mes pllakave tektonike të Arabisë dhe Euroazisë, që janë tepër aktive dhe përplasen vazhdimisht.

/portali DurresLajm/

Na bëni like në facebook!: 

Lajme nga e njëjta kategori

   Një aksident i tmerrshëm është regjistruar mbrëmjen e sotme në kryeqytetin Italian Romë.

   Këshilli i Sigurimit të OKB-së miratoi sot një projekt-rezolutë që bën thirrje për një armëpushim 30 ditor në Siri për të lejuar ndihm

   Temperaturat e ulëta dhe moti i keq kanë mbërthyer Evropën, duke paralizuar lëvizjen e qytetarëve dhe vënë në alarm autoritetet.

   Një italian 38 vjeçar, Danilo Nuzzo, ka vrarë me armë bashkëshorten e tij Irene Rizzo, 35 vjeçe, në qendër të Zyrihut, Zvicër dhe më p

   Në një fjalim të mbajtur këtë të premte, presidenti amerikan Donald Trump iu rikthye çështjes së lotarisë amerikane, duke përsëritur q

   400 kilogramë kokainë me vlerë 60 milionë dollarë u sekuestruan brenda ambasadës ruse në Buenos Aires.

Një ngjarje e rëndë, rrethanat e së cilës nuk dihen ende, ka ndodhur në qytetin e Zyrihut në Zvicër.

Një 22-vjeçare ka gjetur vdekjen pasi e zuri korenti teksa përdorte tharësen e flokëve pak minuta pasi ajo kishte dalë nga dushi.

   Presidenti i SHBA Donald Trump u takua dje me nxënës, prindër dhe mësues, të cilët kanë qenë dëshmitarë të disa vrasjeve nëpër shkolla