Romney ngrihet në sondazhe pas debatit të parë

06/10/2012 - 00:00

 

Pas debatit të parë të së mërkurës dhe opinioneve të analistëve se Mitt Romney u tregua më i vendosur sesa Obama në këtë përballje duket se gjërat kanë lëvizur përsa i përket mbështetjes që dy rivalët për Shtëpinë e Bardhë gëzojnë në elektorat. Po ndërsa Romney ka fituar disa pikë, mbështetja për Obamën nuk ka ndryshuar.

Kështu sipas një sondazhi të Reuters Obama pëlqehet nga 56% e të intervistuarve, ndërsa kandidati republikan nga 51% e tyre. Në debatin e së mërkurës presidenti aktual dhe rivali republikan u përballën për herë të parë duke e përqendruar tematikën e debatit tek çështjet ekonomike dhe ato të shëndetësisë. Romney kundërshtoi ashpër gjatë përgjigjeve të tij politikat ekonomike të ndjekura nga Obama për rimëkëmbjen e vendit, ndërkohë që ky i fundit u detyrua të qëndrojë përgjithësisht në pozicion mbrojtës.

Mesa duket Romney e shfrytëzoi më së miri këtë debat për të rritur mbështetjen popullore në favor të tij, pas një rënie të konsiderueshme në javët e fundit. Shumë analistë patën paralajmëruar se ky debat do të ishte mundësia e fundit për kandidatin republikan për të shtuar pikët në sondazhet parazgjedhore. Ndërkohë një ditë pas debatit televiziv, gjatë një takimi në Denver të Kolorados, Obama i kërkoi rivalit të tij të tregonte “të vërtetën” mbi politikat që ai ndjek.

Organizatorët e fushatës së tij deklaruan se do të bëjnë disa ndryshime përsa i përket strategjisë që do të ndiqet deri në zgjedhjet e 6 nëntorit. Por ndërsa debati nuk i dha Obamës pritshmërinë e kërkuar krejt tjetër duket situata në mbledhjen e fondeve. Mediat amerikane kanë bërë të ditur se presidenti amerikan është pranë arritjes së kufirit prej 1 miliard dollarësh të mbledhur nga donatorët.

Kjo është hera e parë që një president amerikan do arrinte të mblidhte këtë shifër rekord. Nga ana e tij, edhe pse e nisi fushatën e grumbullimit të fondeve me më shumë vrull se Obama, kandidati republikan nuk parashikohet të sigurojë më shumë se 900 milion dollarë.

Në fakt, shuma prej 1 miliard dollarësh është e tepruar dhe tejkalon objektivin prej 750 milion të vendosur nga stafi Obama. Ky objektiv u realizua që më 31 gusht. Sipas analistëve, ajo që ka ndikuar në rritjen e fondeve për Obama-n është fushata mbështetëse e aktorëve dhe figurave të tjera të rëndësishme të artit në SHBA.

/portali DurresLajm/

Na bëni like në facebook!: 

Lajme nga e njëjta kategori

Nuk kanë të ndalur lëkundjet e tokës në Turqi. Më e fundit është regjistruar në orën 17.09 dhe kishte magnitudë 5.2 të shkallës Rihter.

Në Kinë janë publikuar detajet e para rreth Koronavirusit pasi u ekzaminuan më shumë se 70, 000 raste.

Epoka e lumtur nё marrёdhёniet BE-SHBA ka marrё fund.

Prokurorët turq që po hetojnë ushtrinë dhe ministrinë e Drejtësisë, urdhëruan arrestimin e 228 personave për lidhje të dyshuara me rrjeti

Pas stuhive "Ciara" dhe "Dennis", që përfshinë Evropën dhe veçanërisht Britaninë e madhe, javët e shkuara, dy stuhi të reja, "Ellen" dhe

Autoritetet shëndetësore në Kinë njoftuan sot se numri i të infektuarve me koronavirus ka shkuar në mbi 70 mijë, ndërsa numri i të vdekur

Stuhia "Dennis", një nga ciklonet më të mëdhenj ekstratropikal që janë parë ndonjëherë, po kalon ishujt Britanikë duke fituar fuqi me erë

Një tërmet me magnitudë 4.6 ballë i shkallës Rihter ka goditur disa minuta më parë Turqinë dhe Iranin.

Policia e Kosta-Rikës ka sekuestruar një sasi rekord prej 5 tonë kokainë, që është edhe sasia më e madhe në historinë e vendit. 5,048 pak

Kina ka njoftuar rënie të rasteve të reja të personave të diagnostikuar me koronavirus për të tretën ditë radhazi.