Pandemia e koronavirusit po shkakton më shumë të prekur dhe viktima edhe në Zvicër. Të shtunën, autoritetet raportuan për 6186 të prekur nga koronavirusi, rreth 25 për qind se një ditë më parë dhe 58 persona të vdekur.
Ministria e Shëndetësisë tha se zona më e goditur është ajo në kufi me Italinë. “Situata në Ticino është shumë e tensionuar,” tha Daniel Koch, kreu i departamentit të sëmundjeve ngjitëse të Zyrës Federale të Shëndetit, raportojnë mediat botërore.
Në një ditë të vetme u shënuan 1200 raste me koronavirus, kurse të vdekurit janë shtuar me 15 persona që nga e premtja.
Ushtria zvicerane mori shpërndarjen e 50 ventilatorëve shtesë dhe i vendosi ata në Ticino të premten, në mes të një gare globale nga vendet për të shtuar më shumë pajisje potenciale për shpëtimin e jetës, të nevojshme nga pacientët me sëmundje kritike për t’u dhënë atyre një shans për të mbijetuar.
Autoritetet kanë saktësuar se kanë marrë masa dhe janë ndaluar tubimet publike, po ashtu është vendosur që njerëzit të mbajnë distanca, kurse janë marrë edhe vendime për gjoba ndaj të gjithë atyre që nuk respektojnë rregullat qeveritare.
