Sektori ajror botëror më i godituri nga pandemia e COVID-19

26/05/2020 - 22:14

Mbyllje e vendeve të punës, falimentime dhe plane shpëtimi, sektori ajror është goditur rëndë nga pandemia e koronavirusit, që ka bllokuar të gjitha linjat ajrore.

Shoqata Ndërkombëtare e Transportit Ajror (Iata) e ka vlerësuar me 314 miliardë dollarë (286 miliardë euro) ndikimin e pandemisë në të ardhurat e kompanive ajrore në vitin 2020, një rënie prej 55% në krahasim me vitin 2019.

Dhe transporti ajror nuk do të kthehet në nivelin e tij të trafikut para-pandemisë para vitit 2023, sipas shoqatës.

LATAM është kompania e fundit që shpalli falimentimin. Në pamundësi për të përmbushur afatet e saj financiare, kompania kryesore e Amerikës Latine e ka vendosur veten nën mbrojtjen e Kapitullit 11 të ligjit amerikan, i cili lejon kompanisë të ristrukturohet me ndihmë të kreditorëve. Ajo punëson më shumë se 42 000 persona.

Ky falimentim vjen dy javë pas asaj të Avianca me 20 000 punonjës, kompania e dytë ajrore kolumbiane, që është vendosur nën ligjin amerikan të mbrojtjes kundër falimentimeve.

“Air Canada” do të pushojë më shumë se gjysmën e fuqisë së saj punëtore, të paktën 19 000 punonjës, “British Airways” planifikon mbyllë 12 000 vende pune, 30% të forcës së saj punëtore, “American Delta Air Lines” panifikon të mbyllë 10 000 vende pune (11%).

Shkurtime të stafit janë paralajmëruar gjithashtu nga “American United Airlines” (3 450 vende punë), “Virgin Atlantic Atlantic” (3,150 vende pune), “Irish Ryanair” (3 000) dhe “Aer Lingus” (900), “Icelandair” (2,000), “Bruksel Airlines” (1 000), “Wizz Air Hungareze” (1.000) dhe “Fiji Airways” (758).

Kompanitë nuk janë të vetmet që preken. Prodhuesi amerikan “Boeing” ka njoftuar mbylljen e 16 000 vendeve të punës, ose 10% të fuqisë punëtore të tij në aeroplanët civilë, ndërsa prodhuesit amerikanë “General Electric” dhe “British Rolls-Royce” kanë mbylluar përkatësisht 12 600 dhe 9 000 vende pune.

Qeveria gjermane dhe Lufthansa arritën një marrëveshje mbi një plan shpëtimi prej nëntë miliardë eurosh, duke e bërë shtetin aksionerin më të madh të kompanisë.

Franca dhe Hollanda janë shprehur të gatshme për shpëtimin e “Air France-KLM”, me një plan prej 9 deri në 11 miliardë euro.

SHBA-ja filloi një program për mbështetjen e punësimit në mars, duke përfshirë 50 miliardë dollarë (45.6 miliardë euro) për aviacionin civil. Shumica e kompanive të mëdha amerikane e kanë përdorur atë.

Nga ana e saj, Italia ka zgjedhur shtetëzimin e “Alitalia”-s.

“Easyjet”ka marrë një kredi publike prej 600 milionë paund (675 milion euro).

Zvicra ka garantuar 1,2 miliardë euro kredi për Zviceran dhe Edelweiss, dy degë të Lufthansa.

Dubai dhe Turqia gjithashtu kanë njoftuar se do të ndihmojnë përkatësisht “Emirates” dhe “Turkish Airlines”, pa specifikuar masën e ndërhyrjes së tyre.

“Iata” e vlerësoi në 123 miliardë dollarë, në mesin e majit, shumën e ndihmës së ofruar nga shtetet për kompanitë ajrore.

/portali DurresLajm/

Na bëni like në facebook!: 

Lajme nga e njëjta kategori

“Mendoj se kam bërë një gabim. Mendoja se ishte një shaka, por nuk qenka kështu”.

Presidenti i Bullgarisë, Rumen Radev i ka kërkuar qeverisë aktuale dhe prokurorit të përgjithshëm që të dorëhiqen.

Virusi është ende mes nesh, të mos ulim vigjilencën, thotë ministri i Jashtëm italian, Luigi Di Maio.

"Nëse do të kisha folur për këtë në Kinë, ata do të më kishin burgosur ose ndoshta më keq.", tha Dr Li-Meng Yan, e cila u arrati

Kancelarja gjermane, Angela Merkel tha sot se pandemia e koronavirusit mund të mposhtet vetëm përmes bashkëpunimit global dhe theksoi pje

Vijon trendi në ulje i numrit të viktimave dhe rasteve të reja në Itali si pasojë e virusit Covid-19.

Shifrat e koronaviruit në botë vijojnë të rriten me ritme në larta sidomos në SHBA dhe në Amrikën Latine.

Ish-nënpresidenti amerikan Joe Biden ka përshëndetur vendimin e udhëheqësve të Kosovës dhe Serbisë për të rifilluar dialogun për normaliz

Në të gjithë botën, vendet kanë filluar të dalin nga bllokimi i COVID-19.

Kryeministri italian, Giuseppe Conte e gjykoi të mundur që gjendja e jashtëzakonshme, e shpallur për shkak të pandemisë së COVID-19 dhe q