SHBA: Kandidatët demokratë mbështesin "shkarkimin" e presidentit Trump

16/10/2019 - 12:49

Dymbëdhjetë kandidatë demokrat për zgjedhjet presidenciale 2020, u përfshinë të martën mbrëma në një debat të ndezur duke kërkuar përballjen me presidentin Donald Trump në zgjedhjet e radhës, ndërsa demokratët në Kongres kanë hapur një hetim për procedurën e shkarkimit të presidentit.

Të gjithë kandidatët demokrat mbështesin shkarkimin ndonëse ai duket pak i besueshëm. Në deklaratën e parë në hapje të debatit, ish nënpresidenti Joe Biden, një nga sfiduesit kryesor të presidentit Trump tha se “ky presidenti është më i korruptuari … në gjithë historinë tonë”, një vlerësim që bëri jehonë përgjatë debatit.

Një nga kandidatët kryesor, senatorja nga Massachusetts, Elizabeth Warren, tha se “nganjëherë ka gjëra që janë më të rëndësishme sesa politika. Donald Trumpi e ka shkelur ligjin. Askush nuk është mbi ligjin. Shkarkimi duhet të ecë përpara”.

Kundërshtarët e presidenti Trump hodhën disa nga sulmet e tyre më të ashpra kundër presidentit për shkak të tërheqjes së trupave amerikane nga veriu i Sirisë, duke lënë luftëtarët kurdë, të cilët ishin aleatë të amerikanëve në luftën kundër terroristëve të Shtetit Islamik, të pambrojtur nga sulmet e trupave turke që po pushtojnë veriun.

Zoti Biden e vlerësoi braktisjen e luftëtarëve kurdë nga presidenti Trump “veprimin më të turpshëm që kam parë të ketë bërë ndonjë president”.

Senatorja nga Kalifornia, Kamala Harris, e quajti gjakderdhjen në Sirinë veriore “një krizë të shkaktuar nga Donald Trump”, ndërsa senatorja nga Minsesota, Amy Klobuchar tha se “presidenti ynë e shkaktoi atë dhe është shumë krenar për ta thënë atë”.

Debati i së martës shënoi edhe kthimin në fushatë të senatorit nga Vermonti, Bernie Sanders, që po merr veten nga problemet me zemrën. Ky ishte debati i katërt i demokratëve dhe ai i radhës do të mbahet muajin e ardhshëm.

/portali DurresLajm/

Na bëni like në facebook!: 

Lajme nga e njëjta kategori

Bilanci i viktimave nga koronavirusi në botë ka kapërcyer 2400, ndërsa në shtetin fqinj, Itali numri i të prekurve ka arritur në 130 e 89

Frika për shpërthimin e epidemisë së koronavirusit e ka detyruar qeverinë italiane të kërkojë ndërprerjen e të gjitha aktiviteteve sporti

“Për fat të keq të infektuarit me koronavirus me siguri i tejkalojnë njëqind të prekur në të gjithë vendin” - konfirmoi presiden

Shtatë persona kanë gjetur vdekjen në Turqi nga tërmeti me magnitudë 5.7 të shkallës Rihter, që goditi vendin mëngjesin e sotëm.

Më 24 shkurt administrata Trump do të nisë zbatimin e rregullave të reja për emigrantët që janë përfitues të programeve për ndihmë shtetë

Presidenti i Koresë së Jugut Moon Jae-e ka vendosur vendin në “alarm të kuq” pasi raportoi vdekjen e pestë nga koronavirusi dhe më shumë

Një tërmet me magnitudë 5.7 të shkallës Rihter është regjistruar mëngjesin e sotëm në kufirin mes Turqisë dhe Iranit.

Për përballimin e emergjencës epidemike nga koronavirusi, qeveria italiane ka miratuar një draft ligj me masa specialee të emërtuar "Masa

Vazhdon e rritet numri i të prekurve me koronavirus në Itali duke ndezur kështu dritën e kuqe të alarmit.

Koronavirusi vazhdon të përhapet: rasti i parë është regjistruar në Piemonte (është një 40 vjeçar nga Torino) dhe në Milano ku ka dy rast