SHBA sanksione të reja ndaj Rusisë

03/08/2019 - 08:32

Presidenti i SHBA-së, Donald Trump, ka vendosur sanksione të reja ndaj Rusisë, për përfshirjen e saj të dyshuar në helmimin me agjent toksik të një ish-agjenti rus, dhe të vajzës së tij, vitin e kaluar në qytetin Sallsbëri të Anglisë.

Sergei Skripal dhe vajza e tij Yulia janë helmuar me agjentin Noviçok në mars të vitit të kaluar. Të dy ata i kanë mbijetuar sulmit.

Moska thotë se sanksionet e reja do të dëmtojnë lidhjet bilaterale.

Trumpi e nënshkroi një urdhër ekzekutiv më 1 gusht duke imponuar një sërë sanksionesh kundër Moskës, siç përcaktohej me Ligjin e Kontrollit të Armëve Kimike dhe Biologjike (CBW).

Si reagim ndaj sanksioneve, zëvendës ministri i Jashtëm rus, Sergei Ryabkov, tha se masa ishte e lidhur me zgjedhjet presidenciale të vitit 2020 në Shtetet e Bashkuara dhe se “Rusia nuk është befasuar” nga veprimi i Uashingtonit.

Departamenti i Shtetit, në gusht të vitit 2018 vendosi një rund të parë të sanksioneve, duke thënë se Rusia ka shkelur Aktin e CBW-së të vitit 1991.

Ligji i vitit 1991 kërkon që presidenti të vendosë një rund të dytë të sanksioneve, kur ai nuk mund të përcaktojë, nëse vendi në fjalë ka ndaluar përdorimin e armëve kimike, brenda tre muajve.

Moska e mohon fuqimisht se qëndron pas helmimit, i cili kishte përkeqësuar lidhjet e tensionuara midis Rusisë dhe Perëndimit./REL

/portali DurresLajm/

Na bëni like në facebook!: 

Lajme nga e njëjta kategori

Lëkundje të forta tërmeti me magnitudë 6.8 të shkallës Rihter janë regjistruar në rajonin lindor të Turqisë mbrëmjen e së premtes (24 jan

Forcohen hipotezat sipas të cilave epidemia e koronavirusit e ka pasur origjinën në një laborator në Wuhan, vendi ku shpërtheu fillimisht

Teksa pjesa lindore e Turqisë u godit mbrëmjen e djeshme nga një tërmet i fuqishëm me magnitudë 6.8 të shkallës rihter, një ngjarje aspak

Kryeministri i Kroacisë, Andrej Plenkoviç deklaroi se vendi i tij bashkëpunon ngusht me partnerët tjerë që, siç u shpreh, të zhbllokojë f

Të paktën 20 persona kanë humbur jetën ndërsa më shumë se 1.000 të tjerë mbetën të plagosur pas tërmetit që goditi Turqinë mbrëmjen e së

Pentagoni tha të premten se 34 ushtarakë amerikanë janë diagnostikuar me lëndime traumatike në tru, pas sulmeve me raketa nga Irani kundë

Rritet bilanci i viktimave nga tërmeti në Turqi.

Mediat turke po transmetojnë pamje nga një pallat i tëri në flakë.