Këtë të diel, ushtria amerikane realizoi testimin e parë të një predhe që nuk do t’i ishte lejuar po të ishte ende pjesë e Traktatit të Forcave Bërthamore me Rreze të Mesme.

Pasi u tërhoq nga kjo marrëveshje, SHBA bëri testimin e parë të një rakete të re, gjë që e ka bërë Rusinë dhe Kinën të shprehin shqetësim se SHBA po ndez një tjetër garë armatimesh, siç ndodhi gjatë Luftës së Ftohtë.

Rusia deklaroi se “SHBA po shtron udhën për të krijuar tensione ushtarake”, ndërsa Kina tha se “veprimet amerikane mund të shkaktojnë një tjetër garë armatimesh, e cila do t’i shtonte gjasat për të pasur konflikte”.

Ekspertët e kontrollit të armatimeve thonë se gara e armatimeve është duke u zhvilluar tashmë, dhe çdo rival do të përpiqet ta konkurrojë SHBA-në “predhë për predhë”.