Teherani kërcënon evropianët

14/01/2020 - 22:37

Irani paralajmëroi sot Berlinin, Londrën dhe Parisin në lidhje me pasojat e vendimit të tyre për vazhdimin e procesit të zgjidhjes së mosmarrëveshjeve sipas Paktit Ndërkombëtar për armët bërthamore të Iranit të vitit 2015.

“Sigurisht, nëse evropianët vazhdojnë në rrugën e nënshtrimit ndaj SHBA-së dhe nëse kërkojnë të abuzojnë me këtë proces, ata duhet të jenë të gatshëm edhe të pranojnë pasojat, të cilat tashmë u janë njoftuar”, tha Ministria e Jashtme iraniane në një deklaratë.

Teksti sugjeron se Teherani ka pak besim në deklaratat e mirëbesimit të evropianëve, ku u mbështetën ata për të ndërmarrë këtë veprim, për të ruajtur marrëveshjen bërthamore të arritur në Vjenë në vitin 2015.

Tre vende evropiane, nënshkruese të marrëveshjes bërthamore iraniane, Franca, Britania e Madhe dhe Gjermania, aktivizuan mekanizmin për zgjidhjen e mosmarrëveshjeve, parashikuar në tekst, me qëllim për të bindur Teheranin t’i rikthehet respektimit të angazhimeve të tij, njoftuan krerët e diplomacive në një komunikatë të përbashkët.

“Duke bërë këtë, tre vendet tona nuk i bashkohen fushatës që parashikon ushtrimin e presionit maksimal kundër Iranit”, shtojnë ata, duke lënë të kuptohet se nuk dëshirojnë t’i bashkohen politikës së sanksioneve të SHBA-së.

Aktivizimi i mekanizmit për zgjidhjen e mosmarrëveshjeve (MRD), me të cilën Parisi ka kërcënuar që prej disa javësh, mund të sjellë rivendosjen e sanksioneve nga OKB-ja.

“Evropianët nuk dëshirojnë të nxitojnë me kalimin në sanksione, por të ushtrojnë presion ndaj Iranit për të shpëtuar marrëveshjen e vitit 2015 (JCPOA) që ka të bëjë me programin bërthamor iranian”, nënvizoi Parisi.

Kreu i diplomacisë evropiane, Josep Borrell theksoi javën e kaluar se Irani duhet t’i përmbahet angazhimeve për të shmangur fundin e marrëveshjes për programin bërthamor, që ai nuk e përjashton.

/portali DurresLajm/

Na bëni like në facebook!: 

Lajme nga e njëjta kategori

Bashkimi Evropian synon të rrisë presionin ndaj presidentit të Bjellorusisë, Alyaksandr Lukashenka, si përgjigje ndaj shtypjes brutale të

Qeveria amerikane thotë se një ndër universitetet më të njohura në botë, ai i Yale-t, po diskriminon në mënyrë të paligjshme ndaj aplikue

Mijëra pushues mund të kenë anuluar planet e tyre, pas vendimit të ri të Mbretërisë së Bashkuar për vendosje të Francës në listën e vende

Departamenti amerikan i Drejtësisë ka konfiskuar monedha digjitale, si bitcoin dhe disa tjera në vlerë të miliona dollarëve, të cilat jan

Rajoni spanjoll, Galicia, ka ndaluar pirjen e duhanit në hapësira publike pas shqetësimeve se rrit rrezikun për përhapje të koronavirusit

Belgjika ka përjetuar javën më të nxehtë në historinë e saj meteorologjike, njoftoi raportuesi më i famshëm i motit në këtë vend, David D

Pavarësisht skepticizmit perëndimor, Moska është e vendosur ta hedhë në treg vaksinën anti-COVID “Sputnik V”, të cilën e krijoi e para në

Organizata Botërore e Shëndetësisë është shprehur të enjten se rreziku i përhapjes së koronavirusit përmes ushqimit është shumë i ulët, n

Nënsekretari amerikan për Çështje Politike, David Hale ka thënë se Byroja Federale e Hetimeve (FBI) do t’iu bashkohet hetuesve ndërkombët