Një prift ortodoks grek mbeti i plagosur, pasi u qëllua me armë zjarri të shtunën pranë një kishe në qendër të Lionit, nga një person që më pas u largua me shpejtësi nga vendngjarja.
Prifti u qëllua dy herë rreth orës 16:00 ndërsa po dilte nga kisha dhe ndërkohë po trajtohej në spital me plagë të rënda. Policia menjëherë rrethoi zonën dhe vijon kërkimet për gjetjen e autorit të kësaj ngjarje të rëndë.
Ky incident vjen dy ditë pasi një burrë i preu kokën një gruaje dhe vrau dy njerëz të tjerë në një kishë në Nisë.
Dy javë më parë një mësues në periferi të Parisit u ekzekutua në mënyrë makabre nga një 18-vjeçar, i cili u zemërua prej tij pasi iu kishte treguar disa nxënësve një karikaturë të Profetit Muhamed.
