Trageti i mbytur, Kapiteni nuk po drejtonte mjetin lundrues

18/04/2014 - 11:28

Kore e jugut, 18 prill 2014 – Kapiteni i tragetit të mbytur në brigjet e Koresë së jugut nuk po drejtonte mjetin lundrues në momentin kur ndodhi incidenti dhe ishte nga të parët që braktisi anijen kur ajo ishte kthyer në një krah. Mediat koreano jugore e kanë “kryqëzuar” kapitenin 69 vjeçar Lee Joon-seok, që drejtonte tragetin Sewol, me 475 persona në bord, 325 prej të cilëve nxënës shkolle.

Mediat nuk kanë harruar të bëjnë një krahasim me rastin e komandatit Francesco Schettino, që braktisi kroçerën Costa Concordia, ndërsa shumë prej pasagjerëve ndodheshin ende në të.

Sipas një prokurori që po heton çështjen, kapiteni Lee Joon-seok ka zbritur nga mjeti lundrues, ndërsa rreth 300 pasagjerë ndodheshin ende në të.

Ndërkohë numri i viktimave të kësaj tragjedie detare të regjistruar ditën e mërkurë në afërsi të ishullit Byeongpung arrin në 28, ndërsa numri i të humburve është 268. Më shumë se 550 persona janë angazhuar në operacionet e kërkim shpëtimit. Ata po kërkojnë ende për të gjetur trupat e viktimave të tjera, përpara se të ndërhyhet për të nxjerrë tragetin nga thellësia rreth 32 metra ku është mbytur.

Ende nuk është qartësuar shkaku i mbytjes së tragetit. Dëshmitarët tregojnë se kanë dëgjuar një zhurmë të fortë para mbytjes, ndërkohë që kapiteni thotë se nuk është përplasur me ndonjë shkëmb gjatë udhëtimit.

/agjencia e lajmeve “Dyrrah”/

 

/portali DurresLajm/

Na bëni like në facebook!: 

Lajme nga e njëjta kategori

Ditën e sotme do të mbahen zgjedhjet e parakohshme parlamentare në Ukrainë, pasi presidenti i vendit Volodymyr Zelensky kohë më parë shpë

Autoritetet gjermane bëjnë të ditur se është rritur numri i qytetarëve që jetojnë vetëm.

Një konflikt i acaruar ditët e fundit mes partnerëve politikë në Itali rrezikon të çojë në rrëzimin e qeverisë.

Një shpërthim para hyrjes së një ndërtese universitare në Kabul ka shkaktuar vdekjen e 6 studenteve dhe plagosjen e 27 të tjerëve, të cil

Është rritur numri i viktimave në Japoni pas zjarrit të rënë qëllimisht në një studio të animuar në Kioto.

Presidenti Donald Trump tha të enjten se një anije e Marinës amerikane rrëzoi një avion iranian pa pilot në një veprim vetmbrojtës.

Organizata Botërore e Shëndetësisë (OBSH) shpalli emergjencë ndërkombëtare shëndetësore pasi ka shenja shqetësuese për përhapjen e mundsh