Tragjedi në një familje, zjarri i merr jetën 7 fëmijëve

21/02/2019 - 22:42

Humbja e një fëmije është e tmerrshme. Humbja e 7 fëmijëve? E paimagjinueshme.

Por ky është realiteti i hidhur me të cilën përballet familja Barho, pasi humbi të 7 fëmijët në një zjarr të rënë në banesën e tyre në Halifax, Nova Scotia të Kanadasë. Familja nga Siria kishte emigruar drejt Kanadasë në 2017-n, për t’i shpëtuar luftës civile që shkatërroi vendin e tyre.

Sipas CNN, zjarri ra orët e para të mëngjesit të së martës. Një prej fqinjëve tha se kishte dëgjuar një zhurmë të fortë, në momentin që kishte shpërthyer zjarri.

“Dëgjova një zhurmë të fortë, që pasoi me ulërimat e një gruaja. U çova me shpejtësi nga shtrati dhe pashë nga dritarja. E vetmja gjë që dukeshin ishin flakët e mëdha. Gjithçka ndodhi shumë shpejt, shtëpia u përpi nga flakët“, tregoi për CNN një prej fqinjëve.

Babai Ebraheim Barho mbeti i plagosur rëndë, teksa tentonte që të shpëtonte fëmijët e tij. Ai ndodhet në spital, në gjendje të rëndë. Nëna e tyre, Kawthar Barho nuk mori dëmtime, por është e dërrmuar nga humbja e fëmijëve të saj.

“Ajo nuk mund ta pranojë se çfarë ka ndodhur dhe vetëm përsërit emrat e fëmijëve të saj gjatë gjithë kohës dhe kërkon t’i shohë”, tha një prej përfaqësuesve të shoqatës për refugjatët HEART, që e ndihmoi familjen kur mbërriti në Kanada.

Fëmijët u identifikuan në një postim në Facebook, nga xhamia ku do të mbahen varrimet e tyre. Ata janë Ahmed, 15 vjeç, Rola, 12 vjeçe, Mohammed, 10 vjeç, Ghala, 8 vjeçe, Hala, 4 vjeçe, Rana 3 vjeçe dhe Abdullah 4 muajsh.

Familja siriane u mirëprit nga shumë njerëz në Shtator të 2017-s, kur mbërriti në Kanada. Një video e familje Barho që zbriste nga shkallët ndërsa një turmë e vogël njerëzish i prisnin me dashamirësi, u bë virale në rrjetet sociale.

Për ngjarjen tragjike reagoi edhe Kryeministri kanadez, Justin Trudeau, i cili ka punuar për ta bërë Kanadanë një vend sa më mikpritës për refugjatët. Në një postim në Twitter, ai shprehu ngushëllimet e tij, duke thënë se “fjalët janë të kota kur fëmijët merren nga ne”.

/portali DurresLajm/

Na bëni like në facebook!: 

Lajme nga e njëjta kategori

Autoritetet turke kanë urdhëruar arrestimin e 249 zyrtarëve në Ministrinë e Jashtme, pasi dyshohen se kanë lidhje me klerikun, Fethullah

Presidenti amerikan, Donald Trump ka paralajmërar ashpër Iranit, teksa tha se ky shtet do të shkatërrohet nëse përshkallëzohen edhe më sh

Zvicerianët në një referendum kanë votuar nëse duhet miratuar ligji që shtrëngon kushtet për zotërimin e armëve.

Kur na ndan edhe një javë nga zgjedhjet për Parlamentin Evropian, mijëra qytetarë kanë dalë në rrugët e Gjermanisë për të shprehur mbësht

Kancelarja gjermane Angela Merkel deklaroi nga Zagrebi i Kroacisë se Gjermania mbështet perspektivën evropiane të Ballkanit Perëndimor.

Pas skandalit me videon e zv.Kancelarit të Austrisë Heinz-Christian Strache, Kancelari austriak ka kërkuar zgjedhje të parakohshme.

Një ish-oficer i CIA-s u dënua me 20 vjet burg për dhënie të informacionit që lidhet me sigurinë kombëtare një agjenti të Republikës Popu

Një varkë me 5.4 ton hashash është kapur në Kanalin e Sicilisë ndërsa mësohet se gjatë operacionit janë arrestuar 3 turq.