Një aksident i rëndë hekurudhor ka ndodhur në Lodi afër Casal Pusterlengo. Treni i shpejtësisë së lartë doli nga binarët rreth orës 5:30 të mëngjesit të sotëm. Sipas mediave italiane, kanë ndërruar jetë dy makinistët, ndërkohë të plagosur kanë mbetur rreth 30 persona.

Nga aksidenti kanë dalë nga binarët dy vagona të trenit së bashku me lokomotivën. Ndërkohë trafiku në këtë linjë hekurudhore është pezulluar për të paktën 60 minuta.

Zjarrfikësit dhe forca të shumta policie kanë shkuar në vendin e ngjarjes ku po mundohen të tërheqin trenin dhe të zhbllokojnë rrugën.  Treni ishte nisur nga Bolonja në drejtim të Milanos.