Trump dhe Macron dakord që Rusia të ftohet në G-7 vitin tjetër

22/08/2019 - 23:04

Presidenti i SHBA Donald Trump dhe Presidenti francez Emmanuel Macron kanë rënë dakord se Rusia duhet të ftohet për të marrë pjesë në samitin e G-7s vitin e ardhshëm, megjithëse udhëheqësi francez dëshiron që ftesa të jepet me kusht që Rusia të bëjë përparim në bisedimet për paqen në Ukrainë.

Rusia duhet të jetë pjesë e G7s, thotë Presidenti Trump, duke fajësuar ish-presidentin Barack Obama për pezullimin e Rusisë nga ky grup në vitin 2014.

"Për shkak se Putini ia hodhi, Presidenti Obama mendoi se nuk ishte gjë e mirë që Rusia të ishte pjesë e grupit, prandaj kërkoi daljen e saj,” tha Presidenti Trump.

Ajo që dihet është se ish-Presidenti Obama dhe një shumicë e vendeve të G-8s donin daljen e Rusisë, pasi Presidenti rus Vladimir Putin aneksoi Krimenë nga Ukraina

Sugjerimi i zotit Trump për ta rikthyer Rusinë në tryezë nuk ishte befasi për shumicën e analistëve.

"Mendoj se deklaratat e presidentit janë në përputhje me përpjekjet e tij për ta kthyer gradualisht Rusinë në bashkësinë ndërkombëtare pa kushte paraprake. Mendoj se është kundër-produktive dhe e rrezikshme që t’i dërgohet Rusisë sinjali se në thelb ajo mund të ftohet përsëri në klubin e lojtarëve të respektuar ndërkombëtarë, edhe pse vazhdon të mbajë të mbajë të pushtuar jo vetëm Krimenë, por edhe Ukrainën Lindore," thotë Mark Simakovsky i Këshillit Atlantik në Uashington.

Në një bisedë telefonike me zotin Trump, Presidenti francez Macron ra dakord se pezullimi i Rusisë duhet të hiqet, por me një parakusht shumë të qartë: që të ketë përparim në bisedimet e paqes për Ukrainën.

Disa në bashkësinë diplomatike besojnë se arritja e rezultateve të prekshme në këto bisedime duhet të përcaktojë nëse G-7 mund të bëhet përsëri G-8 me pjesëmarrjen e Rusisë në vitin 2020.

“Është e qartë se Franca është shumë e përfshirë dhe e angazhuar në dialogun e Minskut, për zgjidhjen e konfliktit në Ukrainë. Mendoj se deklaratat e zotit Macron janë një joshje që Federata Ruse të arrijë ndonjë përparim pozitiv për paqen në Ukrainë," thotë Mark Simakovsky.

Në Moskë, kreu i Komisionit të Punëve të Jashtme të Dumës së Shtetit, Leonid Slutsky, i tha agjencisë së lajmeve TASS se kthimi në G-8 nuk është qëllim në vetvete për Rusinë.

Zyrtarë të lartë të administratës amerikane thonë se Presidenti Trump pritet ta ngrejë çështjen nëse Rusia duhet të kthehet në tryezë kur G-7a të mblidhet në Francë këtë fundjavë. /VOA

/portali DurresLajm/

Na bëni like në facebook!: 

Lajme nga e njëjta kategori

Presidenti i Shteteve të Bashkuara të Amerikës, Donald Trump mësohet t’i ketë ofruar ndihmë Kinës lidhur me përpjekjet për të kontrolluar

Ushtria amerikane i është bashkuar një hetimi për një aeroplan që u rrëzua në lindje të Afganistanit të hënën.

Qeveria turke po përgatitet seriozisht për tu përballur me një tërmet të fuqishëm në Stamboll. Deklarata e ministrit të brendshëm Sulejma

Një tërmet i shkallës 5.4 rihter goditi provincën Fars në jug të Iranit të hënën, njoftoi TV shtetëror iranian.

Përmes një postimi në Twitter në disa gjuhë të botës, Papa Françesku kujtoi 75-vjetorin e çlirimit të kampit nazist të vdekjes në Aushvic

Megjithëse hetimet sapo kanë nisur mbi motivet e aksidentit me helikopter që shkaktoi vdekjen e ish-lojtarit të Lakers, Kobe Bryant, dhe

Një avion pasagjerësh me 135 persona në bord rrëshqiti nga pista dhe përfundoi në një autostradë në Iran.

Detaje të tjera zbardhen nga aksidenti tragjik, që i mori jetën yllit botëror të basketbollit, Kobe Bryant me vajzën e tij 13-vjeçare.

Qendra për Kontrollin dhe Parandalimin e Fatkeqësive (CDC) në Kinë ka filluar të zhvillojë një vaksinë kundër epidemisë së koronavirusit

Koronarovirusi është paraqitur tek 4 persona në Australi të cilët së voni kishin vizituar Kinën, ku edhe është përhapur ky virus, deklaru