Trump: Të hapur për bisedime me Korenë e Veriut në kohën e duhur

10/01/2018 - 22:52

   Presidenti amerikan Donald Trump thotë se është i hapur për bisedime me Korenë e Veriut “në kohën e duhur”. Sipas Shtëpisë së Bardhë Presidenti zhvilloi të mërkurën një bisedë telefonike me presidentin e Koresë së Jugut Moon Jae-in.

“Dy udhëheqësit theksuan rëndësinë e vazhdimit të fushatës së presionit maksimal ndaj Koresë së Veriut”, thuhet në një deklaratë të zyrës së sekretares së shtypit Sarah Huckabee Sanders, që i referohet bisedës.

“Presidenti Trump shprehet i hapur për të mbajtur bisedime mes Shteteve të Bashkuara dhe Koresë së Veriut në kohën e duhur, nën rrethanat e duhura”, thotë deklarata.

Biseda u njoftua fillimisht nga zyra e presidentit Moon. Ajo vjen një ditë pasi Koreja e Veriut dhe e Jugut zhvilluan bisedimet e tyre të para në më shumë se dy vjet.

Është hera e dytë që udhëheqësit e SHBA-së dhe Koresë së Jugut bisedojnë brenda më pak se një jave.

Deklarata e zyrës së presidentit Moon bënte një karakterizim të ngjashëm, duke cituar presidentin Trump që i thoshtë zotit Moon se “në kohën dhe rrethanat e përshtatshme, Shtetet e Bashkuara janë të hapura, nëse Koreja e Veriut dëshiron të bisedojë”.

Sipas deklaratës së Seulit, zoti Trump kishte rënë dakord se nuk do të kishte asnjë veprim ushtarak, ndërkohë që zhvillohen bisedime.

Më herët të mërkurën, zoti Moon theksoi se çnuklearizimi i Koresë së Veriut është qëllimi afatgjatë i përpjekjeve të tij për t’u angazhuar me Phenianin për të marrë pjesë në Lojrat e ardhshme Olimpike dhe për të rifilluar bisedimet ushtarake.

“Ajo që ne mund të bëjmë për momentin është përmirësimi i marrëdhënieve ndër-koreane, të angazhojmë Korenë e Veriut në dialog, në mënyrë që të kthehet në tryezën e negociatave, për të mbrritur në fund tek çnuklearizimi”, tha zoti Moon gjatë konferencës vjetore për shtyp të tij, njofton VOA.

/portali DurresLajm/

Na bëni like në facebook!: 

Lajme nga e njëjta kategori

Është ndarë nga jeta në moshën 65-vjeçare, Paul Allen, i cili bashkëthemeloi me Bill Gates kompaninë e teknologjisë Microsoft.

Skenari i një mungesë marrëveshje midis Londrës dhe BE-se në negociatat për Brexit është më e mundshme se kurrë më parë, u shpreh sot pre

Çështja e emigrantëve të kthyer në kufirin italo-francez ka ndezur përsëri polemikat mes Italisë dhe Francës.

Të paktën 6 persona humbën jetën në komunën e  L’Aude, në jug të Francës, si pasojë e shirave të rrëmbyeshëm që shkaktuan përmbytje.

Presidenti amerikan Donald Trump akuzon shkencëtarët e ndryshimeve klimatike se kanë “axhendë politike”.

Një bombë artizanale shpërtheu në portën hyrëse të degës lokale të Lega Nordit në qytezën e vogël Ala në veri të Italisë.

22 persona, përfshirë edhe disa fëmijët, humbën jetën të dielën kur një makinë me emigrantë të nisur drejt Greqisë ka dalë nga rruga duke

Një baba i pafat në qytetin Detmold të Gjermanisë është bërë vrasës i së bijës 7-muajshe pas një aksidenti të shkaktuar nga pakujdesia.

Udhëheqësi i opozitës ruse Alexei Navalny u lirua sot pasi shleu dënimin me 20 ditë burg, ku u mbajt me akuzën për organizimin e një prot

Britania dhe Shtetet e Bashkuara kanë konsideruar bojkotin e konferencës ndërkombëtarë në Arabinë Saudite, pas zhdukjes së gazetarit Jama