Ish-presidenti francez, Valery Giscard d’Estaing ka ndërruar jetë sot në moshën 94-vjeçare, pasi ishte prekur nga COVID-19.

Në një deklaratë, familjarët thanë se ai ndërroi jetë në shtëpinë e tij në rajonin Loir-et-Cher. Ish-presidenti u shtrua në spital, në qytetin Tours më 17 nëntor për shkak të problemeve me frymëmarrjen.

D’Estaing shërbeu si president nga viti 1974-1981.

Ai filloi jetën e tij politike si deputet në vitin 1956 dhe shërbeu si ministër i Financave dhe Çështjeve Ekonomike nën presidentin Charles de Gaulle nga viti 1962 në 1966-n dhe si ministër i Ekonomisë dhe Financave nën presidentin Georges Pompidou nga viti 1969 deri në vitin 1974.