Ukrainë, sot mbahen zgjedhjet e parakohshme parlamentare

21/07/2019 - 08:30

Ditën e sotme do të mbahen zgjedhjet e parakohshme parlamentare në Ukrainë, pasi presidenti i vendit Volodymyr Zelensky kohë më parë shpërndau Parlamentin.

Sipas sistemit zgjedhor, në Parlamentin prej 450 vendesh të emëruar “Verkhovna Rada”, thuhet se 225 deputetë do të hyjnë nga lista e kadidatëve të partive politike, ndërsa pjesa tjetër e deputetëve nga lista e “zonave zgjedhore”.

Në Krimenë nën kontrollin e Rusisë dhe në rajonin Donbas nën kontrollin e separatistëve, nuk do të hapen qendra votimi në gjithsej 26 zona. Për shkak se në këto rajone nuk do të zhvillohen zgjedhjet, deputetët do të zgjidhen nga 199 rajone.

Në zgjedhje për partitë garuese do të zbatohet pragu zgjedhor prej 5 për qind.

Sipas informacioneve të fundit të njoftuara nga Komiteti Qendror i Zgjedhjeve të Ukrainës, në zgjedhje do të garojnë 2.746 kandidatë nga lista e 22 partive politike. Ndërsa për listën e 199 rajoneve zgjedhore, do të garojnë 3.085 kandidatë, edhe si partiake dhe të pavarur.

Sipas sondazheve, Partia “Shërbyesit e Popullit” të Zelensky-t pritet të marrë 49.5 për qind të votave, Platforma Pro-Ruse e Opozitës për Jetë 10.5 për qind dhe partia Solidariteti Evropian i ish-presidentit Petro Poroshenko 7.7 për qind.

Gjithashtu edhe Partia “Atdheu” e ish-kryeministres Yuliya Timoshenko dhe partia “Zëri” e solistit të grupit të rockut Okean Elzi, Svyatoslav Vakarchuk pritet të kalojnë pragun zgjedhor prej 5 për qind.

Ndërkohë bëhet e ditur se partia e Zelensky-t për formimin e qeverisë mund të bëjë koalicion me partinë Vakarchuk ose me partinë e ish-kryeministres Timoshenko.

Volodymyr Zelensky fitoi 73.22 për qind të votave në zgjedhjet presidenciale të mbajtura në maj dhe menjëherë pas marrjes së detyrës ai nënshkroi dekretin me të cilin shpërndau Parlamentin dhe organizimin zgjedhjeve të parakohshme parlamentare më 21 korrik.//AA

/portali DurresLajm/

Na bëni like në facebook!: 

Lajme nga e njëjta kategori

22 viktima janë regjistruar në 24 orët e fundit nga koronavirusi në Turqi, ndërsa janë konfirmuar 1.014 raste të reja.

Një hidraulik rus që kishte pranuar përdhunimin dhe vrasjen e nëntë viktimave është gjetur i vdekur sot në stacionin e policisë ku po mba

Ndërsa Shtetet e Bashkuara kapërcyen rekordin e zymtë të 3 milion rasteve me koronavirus, eksperti kryesor i vendit për sëmundjet infekti

Ka shkuar mbi 12 milion numri i personave të prekur me koronavirus në të gjithë botën.

Italia ka shënuar një ulje të numrit të personave që humbën betejën me koronavirusin në 24 orët e fundit.

Austria lëshoi një paralajmërim udhëtimi për disa vende të Ballkanit, pasi disa njerëz që mbërritën nga rajoni, dolën pozitivë në testet

Kriza ekonomike për shkak të koronavirusit po shkakton pasoja në Europë, SHBA, por edhe mbarë botën.

Sipas një parashikimi ekonomik të përditësuar të Komisionit Evropian ekonomia e eurozonës do të bjerë  këtë vit në një recesion më të the

Të paktën 21 persona kanë humbur jetën dhe 15 të tjerë janë plagosur pasi një autobus ra në një rezervuar.

Sulmet ajrore të regjimit të Asadit dhe të forcave ruse ndaj popullatës civile në Idlib përbëjnë krime lufte, tha Komisioni Hetimor i OKB