Një ngjarje e rëndë ka ndodhur në Gjermani, ku raportohet se është vrarë me thikë djali i ish-Presidentit gjerman, Richard von Weizsäcker.
Ngjarja tronditëse ka ndodhur në një spital të Berlinit, ku doktori Fritz von Weizsäcker, 59-vjeçar, sapo kishte dhënë një leksion për sëmundjet e mëlçisë.
Nga ngjarja mbeti i plagosur rëndë dhe një polic, i cili ndonëse ishte jashtë shërbimit ndërhyri për të parandaluar krimin dhe për të neutralizuar sulmuesin. Pavarësisht përpjekjeve të tij, doktori vdiq në vend, nga plagët e rënda.
Babai i tij shërbeu si president gjatë ribashkimit të Gjermanisë në 1990-n. I dyshuari, gjithashtu rreth 50 vjeç, është arrestuar nga policia. Nuk dihet ende motivi i sulmit.
