Zhdukja e gazetarit, Trump: Mos të nxitojmë për të fajësuar Arabinë

17/10/2018 - 11:52

Presidenti amerikan Donald Trump kërkon që të mos ketë një fajësim të nxituar të Arabisë Saudite për zhdukjen e gazetarit Jamal Khashoggi.

Shefi i Shtëpisë së Bardhë sqaroi në Twitter se kishte folur në telefon me Princin saudit të Kurorës dhe se ai e ka mohuar tërësisht të ketë qenë në dijeni të asaj çfarë ndodhi brenda konsullatës në Stamboll.

Komentet e Trumpit vijnë pas bisedimeve që Sekretari amerikan i Shtetit, Mike Pompeo pati në Rijad me Mbretin Salman dhe Princin e Kurorës Mohammed bin Salman, i konsideruar udhëheqësi “de facto” i vendit. Fokusi i takimeve ka qenë pikërisht zhdukja gati dy javë më parë e Khashoggit, i cili hyri në ndërtesë, por nuk doli më kurrë prej andej.

Trump nënvizoi se gjatë bisedës telefonike, princi e ka informuar mbi nisjen e menjëhershme të një hetimi mbi ngjarjen e rëndë. Përgjigjja, sipas Presidentit amerikan, do të vijë së shpejti.

Sauditët kanë hedhur poshtë pretendimet e Turqisë se ishin agjentët e mbretërisë ata që vranë Khashoggin brenda konsullatës më 2 tetor, por Departamenti i Shtetit nuk tha se çfarë i deklaruan Sekretarit Pompeo monarku dhe trashëgimtari i fronit në takimet private.

Deri tani nuk ka patur deklarata për fatin e gazetarit të zhdukur, megjithëse, sipas raporteve në disa media amerikane, përfshirë CNN, Arabia Saudite po përgatitet të pranojë se 60-vjeçari u vra pasi hyri në konsullatë, duke ia faturuar vdekjen marrjes së tij në pyetje që shkoi keq.

/portali DurresLajm/

Na bëni like në facebook!: 

Lajme nga e njëjta kategori

Brigadier Gjernerali i IRGC-së, Saeed Ghassemi, ka rrëfyer për herë të parë më 15 prill 2019 se Korpusi i Gardës Revolucionare Islamike (

Turqia ka arrestuar dy të dyshuar për spiunimin e shtetasve arabë, për llogari të Emiratet e Bashkuara Arabe dhe po heton nëse ardhja në

Një ditë pas vrasjes së gazetares irlandeze Lyra McKee, autoritetet kanë vënë në pranga dy të rinj, 18 dhe 19 vjeç, të cilët dyshohen si

Një baba çnjerëzor mbylli vajzën e tij të vogël në një kafaz dhe e fotografoi për t’ja treguar ish-gruas.

Turqia e kupton shqetësimin e NATO-s për blerjen e sistemit rus të mbrojtjes ajrore S-400 nga ana e Ankarasë, tha ministri i Jashtëm Мevl

Banka Botërore ka ofruar 140 milion dollarësh në mbështetje të një projekti për “Lehtësimin e Tregtisë dhe Transportit në Ballkanin Perën

Ende askush nuk po deklarohet se cilit institucion i përket vetura zyrtare 4Z, në të cilën një zyrtar i shtetit po kryente marrëdhënie se

Popullariteti i Emmanuel Macron është rritur me 3% në muajin prill, pas zjarrit të rënë në Notre-Dame, në Paris.