Zoti i drogës dënohet me burgim të përjetshëm

17/07/2019 - 18:45

Një gjykatë në Nju Jork e dënoi udhëheqësin meksikan të rrjetit të drogës, Joaquin “El Chapo” Guzman, me burgim të përjetshëm, plus 30 vjet. Guzman, 62 vjeç, u shpall fajtor për dhjetë akuza, përfshirë atë për trafikim të drogës dhe pastrim parash, në muajin shkurt. Ai ka ikur nga burgu në Meksikë, përmes tunelit, në vitin 2015, por është arrestuar më vonë.

Më 2017, është ekstraduar në Shtetet e Bashkuara. Ai ka udhëhequr kartelën Sinaloa në veri të Meksikës, që, sipas zyrtarëve, ka qenë furnizuesja më e madhe e drogës në SHBA. “El Chapo” është akuzuar për dërgimin e qindra tonelatave kokainë në SHBA, si dhe për konspiracion për të shpërndarë heroinë, metamfetaminë dhe marihuanë. Ai po ashtu thuhet se ka paguar njerëz për të kryer qindra vrasje, sulme, rrëmbime dhe akte torturash.

Gjatë gjykimit, dëshmitarët kanë thënë se ai i ka torturuar armiqtë e kartelit së tij. Duke folur përmes një përkthyesi, pak para se t’i shpallej dënimi të mërkurën, Guzman tha në sallën e gjyqit se burgimi i tij në SHBA ka qenë “torturë psikologjike, emocionale dhe mendore 24 orë në ditë”. Në vitin 2009, ai ka hyrë në listën e burrave më të pasur në botë, të përpiluar nga revista Forbes.

/portali DurresLajm/

Na bëni like në facebook!: 

Lajme nga e njëjta kategori

Zjarret në pyjet e Amazonës janë aq intensive sa tymi ka mbuluar qytete që gjenden edhe mijëra kilometra larg.

Punonjësi i një hoteli në Kaliforni ka parandaluar një sulm masiv mbi popullsinë civile pasi raportoi se një koleg i tij i pakënaqur kish

Presidenti i SHBA Donald Trump tha të mërkurën se vendet e tjera do të duhet të marrin përsipër luftën kundër militantëve të Shtetit Isla

Presidenti i Italisë fillon sot konsultimet për të parë nëse ekziston ndonjë mënyrë për krijimin e një qeverie tjetër koalicioni pas dorë

Presidenti i Francës, Emmanuel Macron, tha se do të takohet me zyrtarët iranianë përpara samitit të G7-ës që mbahet këtë fundjavë.

SHBA i ka refuzuar vizën të dashurës së kryeministrit britanik, Boris Johnson.

E djathta ekstreme austriake ka synuar të shtrijë duart e korrupsionit mbi lojrat e fatit.