120 biznese të mëdha dhe 900 të vogla të dëmtuara në Durrës, propozimet që i janë bërë qeverisë (VIDEO)

12/12/2019 - 14:18

Për një periudhë tre vjeçare qeveria të shpallë moratoriumin për pezullimin e detyrimeve tatimore për biznesin në Durrës, ashtu sikundër ka ndodhur në vendet fqinje për periudhën pas tërmetit, për rimëkembjen e ekonomisë.

Banka e Shqipërisë të pezullojë kreditë për një vit, shteti t’iu kthejë TVSH-në bizneseve për të pasur likuiditet, janë këto disa prej kërkesave të cilat biznesi durrsak në një mbledhje urgjente, i paraqiti një ditë më parë ministres Anila Denaj.

Tërmeti i 26 nëntorit ka dëmtuar 120 biznese të mëdha dhe 900 të vogla, të cilat kanë pezulluar aktivitetin pranë organeve tatimore. Në një situatë të tillë, në një mbledhje urgjente, Dhoma e Tregtisë dhe Industrisë në Durrës ka dalë me propozime konkrete në një paketë të propozuar një ditë më parë Ministrisë së Ekonomisë.

Alban Isteri, kreu i Dhomës së Tregtisë dhe Industrisë në Durrës, tha se situata post tërmet ka sjellë  dy probleme të mëdha te biznesi në Durrës: Mungesën e fuqisë punëtore, pasi biznesi i madh po punon me kapacitet 50 %, pasi punëtorët nuk po shkojnë ende në punë;  si dhe mungesë të konsumatorit, ç’ka përkthehet mungesë likuiditeti në treg.

Qeveria duhet të ndërmarrë një sërë masash lehtësuese në Durrës, thuhet në paketën që i është propozuar qeverisë nga biznesi në Durrës.

“Duhet verifikim i dëmeve në objektet e biznesit, duhet të certifikohen godinat për të ushtruar aktivitet të sigurt punëmarrësit. Këkrohet një moratorium për pezullimin e detyrimeve fiskale për një periudhë trevjeçare për të gjitha bizneset në Durrës, sipas modeleve të njohura në vendet fqinje. Për rimbursimin e TVSH për bizneset me TVSH, kërkojmë që shteti t’ua kthejë me qëllim rimëkëmbjen. Pezullimin e kredive për një periudhë njëvjecare, evitimi i burokracive dhe disbursimi i fondeve për kompanitë e siguruara në kompanitë e sigurimeve. Situata në biznese shtë shumë e vështirë, dhe nëse nuk ndizet motori i ekonomisë së qytetit, do të kemi pasoja të parikuperueshme.”

K.H.

/portali DurresLajm/

Video: 
Na bëni like në facebook!: 

Lajme nga e njëjta kategori

Të gjithë ata qytetarë që kërkojnë të rivlerësojnë pasuritë e paluajtshme me tatim 3% do të ketë afat deri më 31 dhjetor 2020.

Durrësi e ka humbur vendin e dytë pas kryeqytetit përsa i përket rëndësisë që qyteti bregdetar ka në rritjen ekonomike në shkallë vendi.

Qendra e Tiranës rreth e qark sheshit “Skënderbej” po kthehet në një zonë me ndërtesa të larta, dendësia e të cilave, nuk i përgjigjet sh

Është porti më i madh në vend dhe një nga qytetet më të rëndësishme të vendit, por Durrësi ka mbetur prapa në kontributin e dhënë për rri

Gjergj Buxhuku, Administrator i Përgjithshëm i Konfindustrisë i kërkon ekzekutivit dhe grupit të menaxhimit të krizës kundër Covid-19 rik

Janë rreth 97 mijë punonjës që u është miratuar pagesa prej 40 mijë lekësh si pjesë e paketës së dytë financiare dhe 95 mijë prej tyre e

Shqipëria vlerësohet si një nga shtetet që do ta vuajë më shumë pandeminë e Covid-19 në ekonominë e saj, me një rënie që varion nga -5% s

Çmimet shumë të larta për blerjen e banesave, apartamenteve apo garazheve janë në disnivel të lartë me të ardhurat që kanë shqiptarët.

Shumëkush habitet me numrin e lartë të kafeneve që ka në Shqipëri, që i gjen në çdo cep.

Pandemia e koronavirusit po nxit rritjen e ekonomisë përmes qëndrimit në shtëpi.