85% e shqiptarëve mendojnë se pabarazia është rritur në 2018-n, niveli më i lartë në rajon

08/08/2019 - 07:37

Hendeku ndërmjet të pasurve dhe të varfërve është rritur më tej në vitin 2018. Një anketë e zhvilluar njëkohësisht në të gjitha vendet e rajonit nga Këshilli i Bashkëpunimit Rajonal ka evidentuar se 85% e shqiptarëve mendojnë se pabarazia është rritur.

Përgjithësisht vendet në zhvillimin të Europës, por sidomos ato të Ballkanit Perëndimor që vuajnë nga sindroma të njëjta të korrupsionit dhe mosfunksionimit të demokracisë kanë nivele të larta të pabarazisë.

Qytetarët e Maqedonisë së Veriut e kanë perceptuar pabarazinë në nivele të larta, pasi 85% e të anketuarve kanë pohuar se fenomeni është rritur në vitin 2018.

Në Serbi, 83% e qytetarëve pohuan se pabarazia është rritur gjatë vitit 2018, ndërsa në Bosnjë 78% e të anketuarve pohuan se pabarazia ishte në rritje vitin e fundit. Në këto nivele ishte edhe perceptimi i të anketuarve në Malin e Zi.

Kosova paraqitet në nivele disi më të kënaqshme, pasi vetëm 67% e qytetarëve të saj mendojnë se pabarazia është rritur më tej në vitin e fundit.

Indeksi global e mat pabarazinë me hendekun që krijohet ndër vite ndërmjet 20 përqindëshit më të ardhura të larta të popullsisë me 20 përqindëshin me të ardhura të ulëta. Hendeku ndërmjet këtyre kategorive duket se po zgjerohet.

Pak kohë më parë, Eurostat evidentoi se, pabarazinë më të lartë në kontinent në vitin 2017 e kishin Shqipëria, Serbia, Bullgaria dhe Spanja.

Mënyra se si të ardhurat dhe pasuria shpërndahen në shoqëri përcaktojnë shkallën në të cilën individët kanë qasje të barabartë në mallrat dhe shërbimet e prodhuara brenda një ekonomie kombëtare.

Sipas vrojtimeve të brendshme të kryera nga INSTAT, në vitin 2018 pasuria, burimet dhe mundësitë ekonomike janë më të përqendruara në zonat urbane, pasi 30% e familjeve në zonat urbane janë në kuintilin më të lartë të pasurisë, krahasuar me vetëm 5% të familjeve në zonat rurale.

Në anën tjetër, vetëm 5% e familjeve në zonat urbane janë në kuintilin më të ulët, krahasuar me 42% të familjeve në zonat rurale, të cilat gjenden në kuintilin më të ulët të pasurisë.

Shpërndarja e pabarabartë e pasurisë, siç tregohet nga koeficienti Gini, ndryshon dukshëm në prefektura, nga 0.06 në Durrës dhe 0.11 në Vlorë në 0.19 në Elbasan dhe 0.26 në Dibër. Vrojtimi i INSTAT gjeti se të gjitha familjet kanë televizor (98%), telefona celularë (97%), frigoriferë (96%), makina larëse (94%). 54% e familjeve në zonat urbane dhe 28% në zonat rurale kanë kompjuterë.

/Monitor

/portali DurresLajm/

Na bëni like në facebook!: 

Lajme nga e njëjta kategori

Durrësi e ka humbur vendin e dytë pas kryeqytetit përsa i përket rëndësisë që qyteti bregdetar ka në rritjen ekonomike në shkallë vendi.

Qendra e Tiranës rreth e qark sheshit “Skënderbej” po kthehet në një zonë me ndërtesa të larta, dendësia e të cilave, nuk i përgjigjet sh

Është porti më i madh në vend dhe një nga qytetet më të rëndësishme të vendit, por Durrësi ka mbetur prapa në kontributin e dhënë për rri

Gjergj Buxhuku, Administrator i Përgjithshëm i Konfindustrisë i kërkon ekzekutivit dhe grupit të menaxhimit të krizës kundër Covid-19 rik

Janë rreth 97 mijë punonjës që u është miratuar pagesa prej 40 mijë lekësh si pjesë e paketës së dytë financiare dhe 95 mijë prej tyre e

Shqipëria vlerësohet si një nga shtetet që do ta vuajë më shumë pandeminë e Covid-19 në ekonominë e saj, me një rënie që varion nga -5% s

Çmimet shumë të larta për blerjen e banesave, apartamenteve apo garazheve janë në disnivel të lartë me të ardhurat që kanë shqiptarët.

Shumëkush habitet me numrin e lartë të kafeneve që ka në Shqipëri, që i gjen në çdo cep.

Pandemia e koronavirusit po nxit rritjen e ekonomisë përmes qëndrimit në shtëpi.

Qeveria ka ndryshuar vendimin i cili i hap rrugë aplikimit të bizneseve të mëdha për të marrë kredi të buta në bankat e nivelit të dytë p