Aeroporti i Rinasit mbetet më i shtrenjti

15/09/2018 - 21:10

Aeroporti i Rinasit vijon të jetë më i shtrenjti në rajon, ndonëse jemi në mes të muajit shtator dhe sezoni turistik po shkon drejt fundit.

Çmimet e biletave për të udhëtuar nga aeroporti ynë drejt destinacioneve kryesore europiane janë në çdo rast 2 apo 3 herë më të larta në krahasim me aeroportet fqinje.

Për të fluturuar drejt Vienës, udhëtarët shqiptarë duhet të paguajnë 281 euro, ndërsa për të njejtin destinacion, nëse nisemi nga Prishtina çmimi është 242 Euro. Edhe më i lirë është çmimi në aeroportin e Shkupit, 224 Euro.
Për të fluturuar drejt Parisit nga Tirana kushton 275 Euro, ndërsa për udhëtarët malazezë nga aeroporti i Tivatit, çmimi është 221 Euro.

Po kështu, udhëtimet drejt Mynihut janë më të shtrenjtat për xhepat e shqiptarëve.

Një fluturim nga aeroporti i Rinasit drejt qytetit gjerman kushton 352 euro, ndërsa nëse nisemi nga Shkupi kursimet do të jenë jo pak, pasi udhëtimi kushton 156 Euro. Edhe fluturimet nga Prishtina drejt Mynihut janë më të lira krahasuar me Tiranën, 229 Euro.

Udhëtarët nga Tirana këtë vit jo vetëm kanë paguar më shumë për të fluturuar por janë përballur edhe me vonesa të mëdha. Në një raport të fundit të Eurocontrol, vonesat në 6 muajt e parë për fluturimet nga Shqipëria janë dyfishuar, ndërsa numërohen 47 mijë orë pritje nga ana e pasagjerëve.

Tv Klan

/portali DurresLajm/

Na bëni like në facebook!: 

Lajme nga e njëjta kategori

Sa herë që një shtet përfshihet në kriza politike, që shoqërohen me pasiguri për të ardhmen, monedha e vendit është ajo që e pëson, duke

Është shpresëdhënës fakti se shqiptarët janë arsimdashës, në atë masë se gjysma e atyre që kursejnë, e bëjnë për shkollën.

Shqipëria regjistroi nivelin më të lartë të kredive me probleme (NPL) të sektorit të saj bankar nga 17 vende në Evropën Qendrore, Lindore

Nga data 25 qershor 2019, Banka e Shqipërisë do të hedhë në qarkullim monedhën e re metalike shqiptare me vlerë nominale 10 lekë, me kurs

Emigrantët kanë sjellë pranë të afërmëve të tyre në Shqipëri 150 milionë euro në tre muajt e parë të vitit, një shumë që është pothuajse

Ditën e sotme, Komisioni për Veprimtaritë Prodhuese, Tregtinë dhe Mjedisin, shqyrtoi projektligjin për ratifikimin e marrëveshjes me Mbre

Nëse avioni juaj vonohet më shumë se tre orë, keni mundësinë që të kërkoni kompensim, teksa kompanitë gjithnjë e më shumë po detyrohen që

Ndërtimi i by pasit të Fierit është një histori e komplikuar si shumica e investimeve publike në Shqipëri, por punimet në 22 kilometrat e

Më pak sipërmarrës po marrin iniciativën që të hapin një biznes të ri në Shqipëri.