Analiza e Bankës, tri arsyet e rënies së euros

10/08/2018 - 09:08

Ashtu siç edhe paralajmëroi Guvernatori Gent Sejko më herët në konferencën për shtyp, Banka e Shqipërisë do të vazhdojë të blejë valutë në tregun e brendshëm, me qëllim stabilizimin e kursit të këmbimit valutor.

Dje, në një takim me gazetarët në prezantimin e raportit 3-mujor të politikës monetare, Banka e Shqipërisë shpjegoi se blerja e valutës do të vazhdojë derisa rreziqet për të mbajtur në objektiv inflacion të kalojnë.

“Në terma strategjikë, përdorimi i këtij instrumenti synoi shmangien e materializimit të efekteve negative që forcimi i shpejtë i kursit të këmbimit mund të kishte në përmbushjen e objektivit të inflacionit. Në terma operacionalë, instrumenti synoi frenimin e mbiçmimit të shpejtë të kursit të këmbimit dhe krijimin e premisave për një aktivitet më normal tregtimi në tregun e brendshëm valutor. Ky instrument do të vijojë të përdoret derisa rreziqet për arritjen e objektivit të inflacionit me origjinë kursin e këmbimit, të kenë kaluar”, thuhet në raportin e Bankës së Shqipërisë.

SA U ZHVLERËSUA EURO

Dje, një euro u shkëmbye me 125.5 lekë, sipas kursit zyrtar të Bankës së Shqipërisë, një nivel pothuajse i pandryshuar që prej fillimit të muajit gusht. Banka e Shqipërisë shpjegon se kursi i këmbimit ka pasur një ecuri mbiçmuese gjatë dy viteve të fundit, në pasqyrim të përmirësimeve strukturore të ekonomisë shqiptare. Referuar raportit të politikës monetare, leku u mbiçmua mesatarisht me 2.3 për qind kundrejt euros në vitin 2017, por ky mbiçmim u përshpejtua rreth nivelit 6.4 për qind, vetëm në gjashtëmujorin e parë të vitit 2018. “Forcimi i lekut ishte veçanërisht i përqendruar në muajin maj dhe në javën e parë të muajit qershor, kur në harkun kohor të 5 javëve, leku u mbiçmua me rreth 3.4 për qind”, thuhet në raportin e politikës monetare.

ARSYET E ZHVLERËSIMIT

Por, cilët janë faktorët që sollën rënien e euros? Sipas analizës “Mbi ecurinë e kursit të këmbimit në gjysmën e parë të vitit 2018”, Banka e Shqipërisë jep këto tri arsye të rënies së euros. “Forcimi i shpejtë i kursit ka ndodhur në prani të vëllimeve relativisht të ulëta të tregtimit në tregun e brendshëm valutor; është lehtësuar nga mungesa e dëshirës së bankave për të luajtur rolin e tyre amortizues; dhe është shoqëruar me rritje të pasigurisë në tregun valutor”, thuhet në analizën e Bankës Qendrore.

/portali DurresLajm/

Na bëni like në facebook!: 

Lajme nga e njëjta kategori

Gjergj Buxhuku, Administrator i Përgjithshëm i Konfindustrisë i kërkon ekzekutivit dhe grupit të menaxhimit të krizës kundër Covid-19 rik

Janë rreth 97 mijë punonjës që u është miratuar pagesa prej 40 mijë lekësh si pjesë e paketës së dytë financiare dhe 95 mijë prej tyre e

Shqipëria vlerësohet si një nga shtetet që do ta vuajë më shumë pandeminë e Covid-19 në ekonominë e saj, me një rënie që varion nga -5% s

Çmimet shumë të larta për blerjen e banesave, apartamenteve apo garazheve janë në disnivel të lartë me të ardhurat që kanë shqiptarët.

Shumëkush habitet me numrin e lartë të kafeneve që ka në Shqipëri, që i gjen në çdo cep.

Pandemia e koronavirusit po nxit rritjen e ekonomisë përmes qëndrimit në shtëpi.

Qeveria ka ndryshuar vendimin i cili i hap rrugë aplikimit të bizneseve të mëdha për të marrë kredi të buta në bankat e nivelit të dytë p

Marrëveshja e kredisë me vlerë 139.3 milionë SDR e publikuar në faqen e internetit të Kuvendit të Shqipërisë thotë se interesi i paguar p

Dhoma e Tregtisë së Maqedonisë në një analizë që ka bërë për pasojat e Covid-19 në ekonomi ka krahasuar ndër të tjera të dhënat e numrit

Bashkimi Europian nuk është pjesë e konsultimeve për planin e legalizimit të kanabisit për qëllime mjekësore që prezantoi sot kryeministr