APP: Kritere të reja për tenderët e bizneseve në fushën e produkteve ushqimore

21/11/2018 - 07:37

Të gjithë bizneset në fushën e produkteve ushqimore do të përballen me kritere të reja sa i përket prodhimit, përpunimit dhe shpërndarjes së tyre, në rast se konkurrojnë për tenderë publikë. Rekomandimi i ri, i bërë publik së fundmi nga Agjencia e Prokurimit Publik, tregon pikat kryesore që duhet të përmbushin operatorët ekonomike për të marrë pjesë në tenderë.

Agjencia e Prokurimit Publik (APP) dhe Autoriteti Kombëtar i Ushqimit, në kuadër të bashkëpunimit institucional, referuar Marrëveshjes së Bashkëpunimit të nënshkruar ndërmjet dy pAalëve, bën me dije se ka nxjerrë një rekomandim të ri sa i përket prokurimeve për kategorinë e produkteve ushqimore.

Sipas rekomandimit, APP thekson se duhen vendosur kritere të veçanta për kualifikimin dhe specifikimet teknike për prokurimin e produkteve ushqimore.

Këto standarde, thekson APP, vendosen me qëllim që t’i shërbejnë autoriteteve kontraktore për të siguruar rritjen e cilësisë së ushqimit për grupe të veçanta të konsumatorëve që janë nën kujdesin dhe pergjegjësine e këtyre autoriteteve kontraktore.

“Autoritetet kontraktore, duhet të mbajnë në konsideratë këtë material orientues gjatë hartimit të kritereve për kualifikim, hartimit të specifikimeve teknike për këtë objekt prokurimi, gjatë procesit të vlerësimit të ofertave të paraqitura në procedurat e prokurimit, që kanë si object produktet ushqimore, si edhe gjatë zbatimit të kontratës”-thotë APP në njoftim.

Në hartimin e kritereve për kualifikim, për objektet e prokurimit që përfshijnë shërbimin e prodhimit, përpunimit, furnizimit dhe shpërndarjes së produkteve ushqimore, autoriteti kontraktor, duhet të ketë në konsideratë kërkesat e veçantë që përcaktohen nga legjislacioni I fushës. APP kujton bizneset për licensat, lejet e duhura për secilën kategori përpara se të marrë pjesë si ofertues publikë.

Në çdo rast, thekson APP, kërkesat e veçanta për kualifikim duhet të hartohen në përpjesëtim me natyrën dhe përmasat e kontratës që do të prokurohen, si dhe të jenë kritere jo diskriminuese.

Në dokumentin rekomandues të APP, kërkesat u drejtohen specifikisht operatorëve ekonomikë në fushën e tregtimit të produkteve me origjinë shtazore, ose joshtazore, që të përmbushin kushtet e duhura sa i përket: prodhimit, përpunimit dhe shpërndarjes së tyre. APP kujton se në bazë të legjislacionit në fuqi, operatorët duhet të kenë parasysh se në flëtë analizë që do të shoqërojë çdo sasi të mallit të lëvruar, duhet të shënohet edhe sasia e prodhimit të tyre. Një tjetër kusht i veçantë është emërtimi i laboratorit që ka testuar apo certifikuar këto produkte, etiketimi i tyre, shoqërimi në një mjet transporti sipas temperaturës së duhur etj. Specifikimet e tjera sipas rekomandimit do t’i gjeni në website e app.gov.al. /Monitor/

/portali DurresLajm/

Na bëni like në facebook!: 

Lajme nga e njëjta kategori

Sistemi financiar në vend është treguar joelastik ndaj masave të Bankës së Shqipërisë për deuorizimin të marra në fillim të vitit të kal

E ndërsa INSTAT deklaroi ditë më parë se në total eksportet me Kosovën kanë rënë me afro 20 për qind në Janar, kjo duket se nuk është ndi

Dy kompanitë që fituan të drejtën e koncesionit për aeroportin e Kukësit për një periudhë 35 vjeçare kanë regjistruar së fundmi shoqërinë

Verën e kaluar, pasagjerët që udhëtonin në Shqipëri në fillim të muajit gusht dhe ata që donin të largoheshin në fund të atij muaji u për

Sipas një studimi të fundit, mbi pabarazinë gjinore, diskriminimin dhe institucionet sociale, Shqipëria ka hendek të ulët sip

Qeveria duket se së fundmi ka vendosur të përmbysë modelet e veta të zhvillimit në disa sektorë.

Në të gjitha vendet e Ballkanit Perëndimor përveç Shqipërisë fondet për bujqësinë kanalizohen si mbështetje direkte për fermerët, kryesis

Sado e çuditshme që mund t’ju duket, Po – dashuria kushton.

Shqipëria dhe Mali i Zi u renditën nga Komisioni Europian me borxhin publik më të lartë në rajon për vitin 2018, në raportin periodik për

Çmimet e prodhimeve të stinës, kryesisht perimet dhe zarzavatet pësuan rritje jo të zakonte gjatë muajit janar, teksa INSTAT raportoi se,