Arsimi profesional/ Ministria e Financave miraton katalogun kombëtar me 122 lloje kualifikimesh profesionale

08/06/2021 - 12:52

Nga institucionet e arsimit dhe formimit profesional në Shqipëri do të ofrohen 122 kualifikime profesionale.

Ministrja e Financave dhe Ekonomisë, miratoi katalogun Kombëtar të Kualifikimeve Profesionale. Në dokumentin e botuar në Fletoren Zyrtare, përfshihen kualifikimet profesionale që nga teknologjia ushqimore, tekstile-konfesione, përpunim druri, stilim, shërbime në hotel dhe restorante, elektronikë etj.

Kohëzgjatja e programeve të kualifikimit është nga 1 deri në 4 vjet. Katalogu kombëtar i kualifikimeve u miratua në bazë të ligjit “Për arsimin dhe formimin profesional” të 2017-s.

Referuar ligjit të arsimit profesional, kualifikimet profesionale përmbajnë nivelet 2, 3, 4 dhe 5 të Kornizës Shqiptare të Kualifikimeve (KSHK). Kualifikimet e plota ose të pjesshme profesionale mund të përftohen nëpërmjet këtyre formave: ndjekjes së arsimit profesional me bazë shkollën; ndjekjes së kurseve profesionale, ku përfshihen edhe praktikat profesionale në ndërmarrje apo forma të tjera të mësimnxënies praktike; regjistrimit si nxënës, duke u punësuar në një ndërmarrje (forma e dyfishtë); njohjes të të nxënit të mëparshëm informal dhe joformal; njohjes të të nxënit të përftuar jashtë vendit; formave të tjera të përcaktuara me ligj.

Sistemi i arsimit profesional ofron përfundimin e arsimit profesional bazë, i orientuar sipas drejtimeve të gjera profesionale, me kohëzgjatje 2 vite shkollore pas përfundimit të arsimit bazë, mund të përftohet niveli 2 i KSHK-së.

Ky nivel arsimor përfundon me certifikatë të përgatitjes bazë profesionale dhe lejon kalimin në nivel më të lartë të arsimit profesional ose në tregun e punës. e përfundimin e arsimit profesional, i orientuar sipas profileve profesionale për çdo drejtim profesional, me kohëzgjatje 2 vite shkollore, mund të përftohet niveli 3 dhe 4 i KSHK-së, pas përfundimit të arsimit profesional bazë.

Ky nivel arsimor përfundon me certifikatën e punëtorit të kualifikuar, teknikut/menaxherit në profesionin përkatës dhe/ose me diplomën e maturës shtetërore profesionale, si dhe lejon kalimin në tregun e punës e në arsimin e lartë. /Monitor

/portali DurresLajm/

Na bëni like në facebook!: 

Lajme nga e njëjta kategori

Fondi Monetar Ndërkombëtar (FMN), në një deklaratë pas përfundimit të misionit në distancë me Shqipërinë, i ka rekomanduar qeverisë që të

Paratë që emigrantët dërgojnë tek të afërmit e tyre në Shqipëri (remitancat) arritën në 169 milionë euro në tremujorin e parë të vitit, d

Drejtori i Përgjithshëm i Doganave, Genti Gazheli, zhvilloi një takim me biznese që aderojnë në Dhomën e Tregtisë dhe Industrisë së Durrë

Enti Rregullator i Energjisë (ERE) vendosi që të shfuqizonte vendimin e janarit të këtij viti kur i dha mundësinë Operatorit të Sistemit

Për vitin 2020, bashkitë në vend kanë ndjerë goditjen e pandemisë dhe gjithashtu të tërmetit.

Treguesi i ndjesisë ekonomike arriti për herë të parë që prej nisjes së pandemisë mbi nivelin e mesatares historike, duke shënuar indeksi

Importi i bananeve në vitin 2020 arriti një tjetër rekord historik.

Rritja e numrit të vetëvrasjeve në Shqipëri u atribuohet faktorëve ekonomikë dhe socialë.

Një listë e detajuar e Ministrisë së Financave, ku raportohet përdorimi i fondeve buxhetore për investime, tregon se procesi i zgjedhjeve

Në kursin e Këmbimit Valutor sot vihet re rritje e dollarit, euros, frangës zvicerane dhe paundit britanik.