Berisha:Përpunimi i bimëve mjekësore në zonat malore

17/12/2012 - 11:27

 

TIRANE- Në konferencën për bimët aromatike e mjekësore, kryeministri i vendit Sali Berisha vlerësoi zonat malore të vendit për pasurinë që kanë në këto bimë, ndërsa e vuri theksin tek kultivimi dhe përpunimi i tyre brenda vendit. Kjo, sipas kryeministrit do luftojë varfërinë në këto zona. 

“Shqipëria është një nga vendet më të pasura në Evropë për bimë aromatike dhe mjekësore, biodiversiteti i saj është i njohur dhe i jashtëzakonshëm. Bimët aromatike mjekësore rriten natyralisht apo kultivohen në zonën që përbëjmë edhe hartën e varfërisë së vendit, pra zonat malore. Në këtë aspekt përpjekja jonë përqendrimi ynë duhet të fokusohet tek këto zona, të luftojmë varfërinë atje ku ka pak tokë duke kultivuar këto bimë”, tha kryeministri. 

Sipas tij, “Sipërfaqet me bimë mjekësore janë shumë e shumë herë më të mëdha se arat dhe livadhet, ju garantoj se qeveria është e vendosur për ta spostuar në një nivel më të lartë qëndrimin ndaj kësaj pasurie të madhe natyrore, nga e cila përfitojnë në tërësi familjet e varfra të vendit”, tha Berisha. 

Kreu i ekzekutivit deklaroi se qeveria që ai drejton do vazhdojë mbështetjen me forma të ndryshme për kultivuesit e këtyre bimëve. 

“Është e domosdoshme dhe qeveria do vazhdojë të mbështesë me kredi me interesa të buta të gjithë ata që përpunojnë këto bimë në vend. Duke i përpunuar në Shqipëri rrisim vlerën e tyre në treg. Ju mbështesim me laboratorët më modernë që ju duhen për të gjitha llojet e certifikatave, për vërtetimin e cilësisë së tyre”, tha ai. 

Duke vlerësuar boronicën e Kukësit dhe çajin e Zagorisë, Berisha tha: “Nuk ka vend më të pasur se ne në male, ndaj duhet të bëjmë çdo gjë që të lehtësojmë, nxisim mbledhjen dhe përpunimin e tyre”.

/portali DurresLajm/

Na bëni like në facebook!: 

Lajme nga e njëjta kategori

Buxheti i shtetit është vënë në presione të shumëfishta prej detyrimeve të prapambetura, teksa një stok faturash prej 108 milionë eurosh

Drejtoresha e Tatimeve, Delina Ibrahimi ka bërë sot një përmbledhje të rezultateve të aksionit anti-informalitet, të nisur nga fillimi i

Fondi Monetar Ndërkombëtar ka ulur ndjeshëm parashikimin për rritjen ekonomike të vendit për vitin 2019, në raportin e fundit të “Pasqyrë

Struktura e borxhit të familjeve shqiptare është shumë e ndryshme, që nga kredia bankare deri tek tregjet informale, overdrafti dhe të as

Pas tërmeteve “tundet” qeveria, nuk regjistrohen pronat pa sigurim 10-vjeçar.

Mbi 2000 familje të vrojtuara nga Banka e Shqipërisë raportuan rënie të punësimit, të ardhurave dhe shpenzimeve në gjashtë muajt e parë t

Edhe gjatë ditës së sotme, monedha e përbashkët europiane ka fituar pikë ndaj Lekut vendas. Sipas kursit zyrtar të Bankës së Shqipërisë,

Banka e Shqipërisë raportoi se çmimet e banesave janë rritur me 1.8 për qind në gjashtëmujorin e parë të vitit në raport me të njëjtën pe

Pas kërkesave të vazhdueshme të grupeve të interesit, procesi i fiskalizimit është shtyrë dhe nuk pritet më të fillojë më nga 1 janari, s

Ekonomia shqiptare pritet të ngadalësohet në 2.9% këtë vit, për shkak të uljes së prodhimit të energjisë nga pakësimi i reshjeve, raporto